Xefe Estadu Maior Jenerál F-FDTL Majór Jenerál Lere Anan Timur hateten, orsamentu seidauk iha hodi harii muzeu ba ró rua Komponente Naval NRTL Atauro no Oecussi, ne’ebé mak hasai ona husi tasi-laran tanba aat ba rai-maran.
“Ró rua ne’e iha tasi, ha’u haree iha tasi ladiak ona, ha’u haruka hasai tiha, agora tau iha liur, kuandu orsamentu iha ha’u sei haruka halo uma muzeu Komponente Naval ida hodi hatama buat sira ne’ebé hahú ho komponente naval tau iha uma laran rai hanesa istória, istória ne’ebé mais objetivu”esplika Xefe Estadu Maior Jenerál F-FDTL Majór Jenerál Lere Anan Timur, ba jornalista sira iha seremonia aniversáriu Komponente Naval ba dala 18 iha Hera foin lalais ne’e.
Ró rua ne’e oferese husi Governu Portugal ba Komponente Naval F-FDTL iha fulan Novembru tinan 2001 no iha fulan Janeiru tinan 2002, Governu Timor-Leste inaugura ró rua ne’e hodi hasai naran Navigasaun Repúblika Timor-Leste ka (NRTL)- Pio 1 Atauro no pio2 Oecussi.
Komponente Naval F-FDTL, konsege uza ró rua ne’e hodi hal’ao patrullamentu durante tinan 6 nia laran. Maibé iha fulan Juñu tinan 2007, Governu haruka ró rua me’e ba halo manutensaun iha Surabaya Indonezia, to’o fulan janeiru tinan 2008, hodi fila-fali mai Timor-Leste.
Iha tinan 2015, ró ne’e avaria fali no la konsege hala’o operasaun to’o ohin loron para iha rai maran.avi
