GMN TV Justica e Segurança Membru F-FDTL no PNTL baku malu tan, MDI sei duni sai

Membru F-FDTL no PNTL baku malu tan, MDI sei duni sai

Ministru Defeza  no Interior Interinu, Filomeno Paixão, promete  ba oin sei  duni sai membru FALINTIL-Forsa Defeza Timor-Leste (F-FDTL) no Polísia Nasionál Timor-Leste (PNTL)  ne’ebé mak gosta baku malu.

Filomeno Paixão hato’o lia hirak ne’e, relasiona ho kazu agresaun fíziku entre  membru F-FDTL ho BOP  ne’ebé  mak akontese iha loron  2 fulan Novembru tinan 2019 iha Bekussi Sentru Suku Bekora  Postu  Administrativu Cristo Rei, munisípiu Díli.

Ho akontesimentu ne’e ba oin, Govenante  husu membru forsa instituisaun seguransa no defeza  ténki mantein disiplina hodi hatudu izemplu diak iha  ba  iha komunidade nia matan la’os ba baku malu fali.

 “Ha’u agora  halo revizaun ba lei Polísia ho F-FDTL nian  disiplina sai regoruzu  liu tan para que  komesa husi ita nia F-FDTL ho Polísia mak ténki fó izemplu diak  ba iha populasaun joventude. Pior liu kazu  mosu iha Maliana, mosu  no iha Bekussi Díli, 2020 ba oin sei la simu tan,  ida ne’e  akontese ita brani duni ema sai ema  husi PNTL ho F-FDTL, ita labele halimar bebeik”,esplika Ministru Defeza  no Interior Interinu Filomeno Paixão, hafoin partisipa  seremonia   loron dos herois 31 Dezembru tinan 2019  iha Ossuariu Liquisa Villa, bainhira husu kona ba atitude membru F-FDTL ho PNTL ne’ebé baku malu foin lalais ne’e.

Governante ne’e afirma, ba oin kazu sira nune’e labele akontese tan, baihira kontinua akontese mak sei foti medida sériu.

“Sé  ita kontinua  bebeik, populasaun ne’e dehan  ita mak lutu, sira moris iha ita nia leet, sira mós la seguru. La seguru liu kuandu ita problema hela deit hanesan ne’e. Sé muda karik ha’u ne’e oinla buat ida, sé ha’u  nafatin, ha’u sei la halimar”,dehan Filomeno Paixão.

Antes ne’e mós Vise Xefe Estadu Maior  Jeneral F-FDTL Brigadeiro Jeneral Falur Rate Laek hateten, kazu  ne’e seksaun investigasaun justisa PNTL ho F-FDTL  hala’o hela prosesu investigasaun.avi


Banner

Foto

Notisia Ikus

PR husu autorizasaun ba PN renova EE da-XVI

July 27, 2021
Prezidente Repúblika (PR), Francisco Guterres L...

Governu muda estatutu ba EP, bee-moos nafatin iha problema

July 27, 2021
Deputadu komisaun E Parlamentu Nasionál (PN) ne...

MS: Posibilidade Governu sei aplika KO iha teritóriu nasionál

July 26, 2021
Ministra Saúde (MS), Odete Maria Freitas Belo, ...

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...
1 2 3 620

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker