Membru Polísia Nasionál Timor-Leste (PNTL) hamutuk 40, partisipa iha formasaun kona-ba regra Tránzitu, hodi bele hasa’e liu tan sira-nia koñesimentu.
Formasaun ne’e hala’o durante loron rua hahú Kuarta (08/01/20) no sei termina iha Kinta (09/01/20). Formasaun ne’e hala’o iha salaun enkontru Polísia munisípiu Díli.
“Objetivu formasaun ne’e hanesan refreshing training ida hodi fó hanoin hikas fali ba membru sira, liu-liu Ofisial Polísia Suku, Forsa Rezerva no Tránzitu sira atu nune’e sira bele komprende didiak kona-bá regras tránzitu nian iha terenu hodi nune’e bele servi diak , liu-liu bele fó imformasaun diak ba ita nia komunidade oinsá bele la’o iha estrada ho seguru labele hetan asidente no la’o husi fatin ida ba fatin seluk karik ho kuidadu”, esplika Adjuntu Xefe Departementu Tránzitu no Seguransa Rodoviária Nasionál Inspetór Afonso da Silva, ba jornalista sira iha salaun Polísia munisípiu Díli.
Nia akresenta, materia sira ne’ebé makfó durante formasaun ne’e mak kona-bá tránzitu nian, liu-liu difinisaun legal sira liga ho dalan nómos sinais tránzitu trafik asidente.
Komandante ne’e dehan, formasaun ne’e la’os hala’o de’it ba membru PNTL sira iha munisípiu Díli, maibé formasaun ne’e sei kobre munisípiu 12 inklui membru PNTL iha Rejian Administrasaun Espesial Oecussi Ambeno.avi
