GMN TV Justica e Segurança Membru PNTL ida hetan tá iha área Ai-Mutin

Membru PNTL ida hetan tá iha área Ai-Mutin

0 views

Membru Polísia Nasionál Timor-Leste (PNTL), Inspetór Honorio Horta Pinto, hetan tá husi eis membru grupu Arte Marsiál (GAM) balun iha Aimutin-Díli, rezulta nakles iha ulun no suku pontu 11.

Kazu tentativa  omeisídiu  ne’e akontese iha Tersa, loron 21, tinan ne’e, mais ou menus tuku 01:00 madrugada oras Timor-Leste, iha Ai-Mutin postu administratvu Dom Aleixo, munisípiu Díli.

Vítima Honorio dau-daun ne’e hala’o hela tratamentu intensivu iha Hospital Nacional Guido Valadares (HNGV), tanba sofre ulun fatuk kanek 11.

Tuir Komandante Operasionál PNTL Interinu, José Soares, hateten, vítima nia profisaun nu’udár médiku iha Sentru Formasaun Polísia Comoro.

“Iha operasaun ida  ne’e ita kaptura ema na’in 6, iha balun lori atributu parténsia ba eis GAM balun, balun lori samurai, kaer fiska no balun lori fatuk, objetu sira ne’e sira uza hanesan arma ida para bele hakanek no hamate ema iha situasaun oinsá deit. Aktu sira ne’e krime, kuandu ita liga ba lei númeru 5/armas brankas, depois ita aprezenta ba  investigadór hodi elabora prosesu no aprezenta ba  Ministériu Públiku (MP)”, Komandante  Operasionál PNTL Interinu ne’e ba jornalista sira, liu husi konferénsia imprensa iha salaun enkontru  Kuartel Jerál PNTL, Caicoli-Díli, Tersa (21-01-2020).

José konsidera, aktu ne’ebé komete husi joven sira ne’e kontra lei númeru 5/2017 armas brankas, tanba suspeitu sira uza sasan kro’at, hodi tá kanek membru PNTL, Inspetór Honorio Horta Pinto.

Tanba ne’e sira tenke detein oras 72, hodi submete ba prosesu investigasaun.

Husi akontesimentu ne’e, PNTL mós prende atributu eis GAM, fiska no fatuk ne’ebé deskonfia suspeitu sira utiliza hodi tuda vítima.

Nune’e mós suspeitu sira ne’e, detein ona iha sela polísia durante oras 72, antes submete ba prosesu investigasaun. avi

 


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker