GMN TV Justica e Segurança PJR: TL fraku halo kontrolu ba droga

PJR: TL fraku halo kontrolu ba droga

0 views

Prokurador Jeral Repúblika (PJR), José da Costa Ximenes, rekoñese, Timor-Leste (TL) sai tiha ona fatin tránzitu ba droga, nune’e Timor-Leste tenke reforsa sistema kontrolu,  tanba to’o agora Timor-Leste sei fraku iha kontrolu ba droga.

“Aproveita mós informa ba suaselensia,  Prezidente Repúblika kona bá, horibainrua Ministériu Públiku nia ekipa ho ekipa husi PNTL,  servisu hamutuk hodi trava droga ho tipu sabu sabu ho total 3 kilo  pontu 553 kilograma, ninia inderesu ka destinasaun final, dehan mai Dili Timor-Leste ba Timor-oan nia naran ida ho inisial  CMB, bainhira to’o iha Aeroportu hein nia la mosu iha ne’eba, depois ekipa ida ne’e hamutuk ho PNTL   lori nia, no hein deit  julgamentu mak haree”, dehan José da Costa Ximenes ba Jornalista sira Kinta (16/01/2020), iha Palásiu Prezidensial Nicolau Lobato Bairo Pité Díli.

Tanba ne’e, PJR ne’e husu ba Governu reforsa sistema kontrolu ba droga, tanba dadaun ne’e Sistema kontrolu TL nian tebes, hodi halo ema estranjeitu bele ultrapasa ba mai ho droga.

“Ha’u  hanoin katak, destinasaun final la’os iha  ne’e,  mas ema utiliza hanesan tranzitu para kontinua, pior ké ita bele iha analiza ba futuru mak karik aban bainrua mak konsege kria merkadu iha Timor, kria depedensia husi ita-nia joven Timor-oan sira mak ita-nia país sei estragus, portantu ida ne’e  ami informa ba Prezidente Repúblika. nia salienta, la’os papel Ministériu  Publiku deit, ho PNTL deit, maibe ita hotu, tanba maluk Timor-oan sira, iha problema dala ruma hakarak koko simu osan barak, maibé lakohi servisu. Informasuan ne’ebé ami iha, la’os primeira vez maibé dala rua ona, primeriu ultrapassa husi Timor travel, ne’e atu dehan saída?, kontrolu ba transporte ne’ebé  tama sai  husi teritóriu Timor tenke extráordinariu tan”, subliña Jose.

PNSIK prende droga kilograma 2.53

Polísia Nasionál Servisu Investigasaun Kriminal (PNSIK)  asegura  ona   droga ho tipu sabu-sabu  kilograma 3.253 no detein ona suspeitu CBM hodi submete ba   prosesu investigasaun.

Xefe Investigasaun Kriminal  Inspetór Xefe Polísia Mouzinho Correia,   hateten, pakote droga  haruka husi nasaun Nigeria liu husi Singapaura hodi  kontinua tranzita  mai Díli Aeroportu Internasionál Nicolau Lobato Comoro Díli iha loron 7, fulan Janeiru,  tinan  ne’e, hodi prende pakote deskonfia droga ne’e.

“Iha loron 14,  fulan Janeiru,   Polísia Servisu Investigasaun Kriminal  hamutuk ho funsionáriu lori  pakote ne’e ba  mai  iha edifisiu Polísia Investigasaun Kriminal  Nasionál  Caicoli hodi loke pakote  ne’ebé  ita deskonfia  iha laran  ita hetan droga  ho tipu sabu-sabu  Metavitamin  ho kuantidade kilograma 3.253. To’o agora  prosesu disiplinar  preliminariu  ita  hala’o  ona,  ita identifika Timor-oan ida  CMB nia mak núdar ema  ne’ebé mak simu iha Timor-Leste”,Xefe Investigasaun Kriminal  Inspetór Xefe Polísia Mouzinho Correia  liu husi konferénsia imprensa Kinta (16/01/20) iha Kuartel Jerál PNTL Caicoli Díli.

Mouzinho akresenta, tuir  planu pakote droga ne’e atu haruka ba Indonézia.

Suspeitu Timor-oan ne’e sei detein durante oras 72 iha sela detensaun Polísia iha Caicoli, hafoin lori ba primeiru interogatóriu iha Tribunal Distrital Díli.

Mouzinho  Correia  akresenta, kazu droga  ne’e ligasaun mós  kazu droga ne’ebé mak Indonézia prende iha Motain tinan 2019 nia sindikatu husi nasaun Nigeria mós.oly/avi


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker