Prezidente Repúblika (PR), Francisco Guterres Lú Olo, hatete, iha posibilidade fulan Janeiru, tinan ne’e, nia sei fó pose ba Xefe misaun Timor-Leste nian iha rai liur (diplomata) hamutuk sanulu resin haat (14), ne’ebé nomeia husi Governu no aprova ona husi Xefe Estadu rasik.
“Ha’u sei iha hela ferias, aban bain rua ha’u tama fila-fali, ha’u sei buka hatene paises hira mak fó ona agreement, naturlamente iha tempu badak ha’u sei fó posse ba sira enkordenasaun ho Governu liu husi Ministériu Negósiu Estranjeiru, para sira bele hetan pose hodi ba hala’o sira-nia kna’ar” dehan Lú Olo ba Jornalista sira, Domingu (12/01/2020) iha Hera.
Lú Olo salienta, buat sira ne’e hotu bele akontese iha fulan ida ne’e nia laran, maibé kordenasaun ho Governu, atu oinsa bele fó pose ba diplomátiku sira ne’e.
Diplomata nain 14 ne’e sei reprezenta TL ba nasaun sira hanesan, Xina, Austrália, Reinu Unidu, Irlanda do Norte, Suisa, Mosambike, Repúblika Portugueza, Reprezentante Permanente RDTL iha Sekretariadu Ezekutivu Paises Lingua Portugueza, Repúblika Cabo Verde, Singapura, Japaun, Cambodia, Thailandia, Vatikanu no Laos.oly
