GMN TV Justica e Segurança Sé mak hatún soberánia TL, Lere : F-FDTL ho PNTL prontu fakar-ran

Sé mak hatún soberánia TL, Lere : F-FDTL ho PNTL prontu fakar-ran

0 views

Xefe Estadu Maior FALINTIL-Forsa Defeza Timor-Leste (F-FDTL), Majór Jenerál Lere Anan Timur, hateten, sé mak kria instabilizasaun hodi hamonu nasaun, instituisaun F-FDTL ho PNTL prontu atu fakar-ran hodi defende soberánia nasaun.

“Ha’u hanoin situasaun ne’ebé mak mosu ohin loron tau ida  ne’e tau in perigu ba soberánia Timor, ita lakohi ema bolu Estadu falladu, ita lakohi  ema sorin-sorin tau ibun ba ita, ate balun dehan  hanesan ne’e, imi Timor  seidauk prontu ukun-an, tanba sá mak imi ansi-an la-lais, tanba saída mak situasaun ida ne’e mosu, ha’u hanoin katak, tanba situasaun ida ne’ebé que ou sistema ida ne’ebé mak ema kria atu instabiliza ita-nia situasaun, hamonu ita-nia soberánia, tanba ne’e mak F-FDTL tantu PNTL no iha konstituisaun hatúr katak, iha ne’e forsa defeza defende soberánia nasionál”,.

“Sé mak instabiliza hamonu nasaun ida ne’e, ami sei la hatún kilat, ami prontu fakar-ran dala ida tan no sé mak hatún ita-nia soberánia nasionál, tanba ita ukun-an dala ida, la’os dala-rua, entaun instituisaun rua ne’e prontu kaer metin ninia soberánia nasionál”, Xefe  Estadu Maior  F-FDTL ne’e ba jornalista sira liu husi konferénsia imprensa konjunta entre F-FDTL no PNTL, iha Kuartel Jenerál F-FDTL, Fatuhada-Díli, Kinta (23-01-2020).

Impasse polítiku, la prejudika kargu Lere Anan Timur

Alende ne’e, Lere Anan Timur, hateten, maske ho impase polítiku, sei la prejudika ba ninia kargu ne’ebé sei remata iha fulan Outobru, tinan ne’e.

“Ha’u hanoin sé polítiku sira deside atu pasa ba reforma, sem dúvida ha’u labele kontrária, sé haruka ha’u hela (kontinua-red), maibé mós ténki fó kondisaun ha’u hela ba”, subliña Xefe  Estadu Maior  F-FDTL ne’e. avi


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker