GMN TV Justica e Segurança Sergio Hornay: OJE ba CAC hanesan maho-ween

Sergio Hornay: OJE ba CAC hanesan maho-ween

0 views

Komisáriu Comissão Anti Corrupção (CAC), Sergio Hornay, konsidera Orsamentu Jerál Estadu (OJE) tinan 2020 ba CAC hanesan maho-ween ne’ebé tun ba tasi, tanba redus tun ba millaun USD 1. 776.

Antes ne’e, CAC propoin USD millaun 1.8 ba salariu vensimentu, bens servisu no kapital meñor, maibé hafoin governu retira proposta refere, orsamentu ba CAC nini’an hatún ba millaun USD 1. 776.

“Ho redusaun orsamentu husi instituisaun CAC ni’an ne’e fó impaktu ba programa, maibé ita atu halo ezersísiu, ita bele iha solidáriu institusional no instituisaun Estadu, CAC nia orsamentu uitoan deit, ho montante millaun USD 1.776, ne’e hanesan maho-ween ne’ebé monu iha tasi laran”, Komisáriu CAC ne’e ba jornalista sira hafoin audénsia ho komisaun A ne’ebé trata asuntu konstitusional no justisa iha Parlamentu Nasionál (PN), Kuarta (08-01-2020).

Sergio afirma katak, maske OJE 2020 ba CAC hetan redusaun maka’as, maibé ne’e sei la sai kestaun atu impede servisu instituisaun refere.

“Maske ho redusaun orsamentu CAC nini’an, la sai fali kestaun, maibé oinsa mak CAC atu haree kona-bá rúblika orsamentu sira ne’ebé sai ona hanesan polítika orsamentu Estadu, oinsa atu halo harmonizasaun  aktualizasaun atu ajusta ba iha polítika OJE bele finansia mákina Estadu. Ami sei fó nafatin hanoin ba komisaun A iha PN hodi halo ponderasaun iha situasaun balun, liu-liu ba iha rúbrika orsamentu iha bens servisu, tanba CAC ninia servisu oinsa bele garante polítika prevensaun no mós investigasaun kriminal tenke la’o. Servisu sira ne’e la’os sentraliza deit iha Díli, maibé tenke halo deslokasaun ba munisípiu no ba fatin sira ne’e wainhira ita haree iha ligasaun obtetu krime sira ne’ebé mosu”, tenik Komisáriu CAC ne’e.

Entretantu OJE 2020 ba instituisaun CAC hamutuk USD millaun 1.776, hafoin hetan redusaun ho montante USD rihun 91. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker