GMN TV Justica e Segurança Uza motor Estadu iha loron feriadu, MP aplika prizaun fulan 6 ba BG

Uza motor Estadu iha loron feriadu, MP aplika prizaun fulan 6 ba BG

0 views

 

Ministériu Públiku (MP), liu husi alegasaun iha Tersa, loron 14, fulan ne’e husu ba Tribunál Distritál Díli (TDD) atu aplika prizaun fulan 6 no suspende tinan 1 ba arguidu ho inisiál BG, tanba utiliza motor Estadu iha loron Domingu.

Iha alegasaun ne’e MP haree katak, arguidu konfesa imparsiál katak, motor roda ko’ak, mak nia lori ba taka iha ofisina iha loron Domingu, atu uza ba servisu iha loron Segunda.

Haree mós arguidu nia deklarasaun, rekoñese ninia hahalok la di’ak hodi la halo tan iha future, MP husu ba tribunál atu aplika prizaun fulan 6 no suspende tinan 1.

Enkuantu husi parte defeza husu, atu aplika pena multa, tanba haree mós ba arguidu nia funsaun hanesan funsionáriu, iha saláriu ne’ebé sufisiente atu selu. Tanba aplika pena suspensaun, bele prejudika arguidu, bainhira komete tan krime ruma, ho nune’e husu atu aplika pena multa.

Rona tiha husi parte rua, tribunál adia julgamentu ba loron 30, fulan Janeiru, iha tuku 14:00, hodi rona leitura sentensa.

Arguidu mós deklara katak, faktus ne’ebé iha, balun loos no balun laloos, tanba nia parte utiliza motor ne’e, tanba roda ko’ak mak nia lori ba taka iha ofisina, la’os arguidu uza hodi pasiar.

“Roda ko’ak mak ha’u lori ba taka roda, ha’u la’os utiliza atu la’o pasiar”, deklara arguidu.

Tuir faktus ne’ebé iha katak, atu fasilita arguidu nia servisu, universidade entrega motorizada ida ba arguidu ho marka Honda Revo Fit, ho Xapa matríkula 9430 G.

Arguidu mós, kada fulan simu sena kombustível ho ninia valór USD40 no sena refere entrega ba arguidu ense mina ba motor refere, hodi uza iha loron servisu husi Segunda to’o Sesta.

Iha loron 20, fulan Juñu, tinan 2019, mais ou menus tuku 14:00, ekipa konjunta ne’ebé kompostu husi CAC, PNTL, DNTT, Diresaun Nasionál Patrimóniu Estadu halo hela operasaun ba kareta no motor Estadu ne’ebé sirkula iha loron Sábadu no Domingu iha Díli laran. Iha operasaun ne’e ekipa konjunta hapara motorizada ne’ebé kondúz husi arguidu, tanba uza laiha autorizasaun husi ninia Diretór no arguidu hatene katak labele uza motor ne’e iha loron Domingo no Sábadu.

Tanba ne’e, MP akuza arguidu ba iha krime pekulatu ba uzu ne’ebé previstu iha artigu 296, husi kódigu penál Timor-Leste.

Audénsia ba julgamentu ne’e prezide husi juíz singular, Sribuana da Costa, MP reprezenta husi prokuradór, Jacinto Babo no arguidu hetan asisténsia legal husi defensór públiku.san


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker