GMN TV Justica e Segurança PN husu MTK sobu “broker” iha DNTT

PN husu MTK sobu “broker” iha DNTT

405 views

Parlamentu Nasionál (PN) husu ba Ministru Transporte Komunikasaun (MTK), atu halo investigasaun ba iha  Diresaun Nasional Transporte Terestre (DNTT) hodi sobu “broker”, halo karta kondusaun no inspeksaun ba transporte sira iha DNTT.

Deputada bankada KHUNTO, Olinda Guterres, husu urjentemente ba Ministériu Transporte Komunikasaun, atu halo investigasaun ba grupu broker balu, ne’ebé halo karta kondusaun, tanba kontribui ba númeru asidente trafegu ne’ebé sa’e makas.

“Ema sira ne’ebé lori osan ba sosa sim ne’e, mak númeru ema mate barak ema ne’ebé lori motor ho kareta sira ne’e, barak hetan dezastre no mate,tamba balu ba selu iha kotuk-kotuk hola de’it karta kondusaun,sira ne’e laiha koñesementu sinais tranzitu hala’i arbiru de’it”, hatete Deputada Olinda Guterres, Tersa (11/01/2022), iha plenaria Parlamentu Nasionál.

Nia konsidera atetudi broker sira hanesan ne’e, halo ema sira lori transporte públiku no privadu balu hala’i arbiru de’it, pior liu dala barak kontra sinais tranzitu,tamba kondutor sira laiha koñesementu no la tuir formasaun.

“Dezastre ba transporte públiku tinan-tinan aumenta makas ne’e, tamba motorista sira hala’i arbiru de’it no indisiplina ne’ebé tenki investiga ba broker sira ne’ebé servisu iha Diresaun Nasional Transporte Terestre (DNTT), ne’ebé halo sim falsu hodi selu osan ka sogok husi kotuk-kotuk no balu lori viatura ho kondisaun lanu, dukur, fuma no telefone, tamba ne’e presiza eskola konaba formasaun liu-liu kondusaun, sinais tranzitu, disiplina no primeiru sokorus”, sujere Deputadu, Fabião  de Oliveira.

Tuir dadus husi Tránzitu Komando PNTL Munisípiu Díli, rejista kazu asidente tráfegu ne’ebé akontese durante fulan Janeiru to’o fulan Dezembru tinan 2021, hamutuk 779. Alende ne’e, durante tinan 2021, Tranzitu Díli, rejista ema sira ne’ebé komete infrasaun, hanesan la lori dokumentus motorizada no kareta nian, hamutuk 7444.

No total transporte hanesan motorizada no kareta ne’ebé prende hamutuk6533, ne’ebé mak para la tuir regras, hanesan para iha zebra cross leten no trotoar leten, kondus motorizada la uza kapaseti.Tos

 


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker