Komponente Naval, identifika Peska ilegál, liu husi Sistema Automatic Identification System ka AI no Sky Light Sistem, detekta movimentasaun peska ilegál ne’ebé na’ok ikan maka’as tebes iha tasi parte kosta sul.
“Ami iha dadus tanba ami iha Sistema bolu naran Sky Light Sistem, ne’ebé kada loron-loron detekta aktividade ilegál iha kosta sul ne’ebá, la’os la detekta, ita detekta, ita hatene ro’o nia medida naruk hira ro’o ne’e ami husi ne’ebé, tanba Sistema automatic detekta fó sai mai ita nia Sistema Sky Light Sistem, depois ita print out depois fó ba ita nia hirarkia mais altu. Balun permanente fulan tolu to’o fulan haat. Ne’e Sistema mak fó sai, ita labele bosok malu. Balun hela iha ne’ebá provezoriu loron ida loron rua sai husi ne’ebá. Ne’ebé ha’u bele dehan fulan ida ne’e ro’o kal 50 to’o 60 mak bele halo aktividade ilegál iha ita nia tasi”, esplika Komandante Komponente Naval Kapitaun Fragata João da Silva, ba jornalista Kuarta (12/01/2022), iha Komponente Naval iha Hera.
Ro’o sira ne’ebé mak halo peska ilegál iha tasi parte kosta sul, identifika husi nasaun viziñu Indonézia, Tailandia, Vietaname.avi
