GMN TV Justica e Segurança Asegura kampaña EA, ParPol labele mobiliza masa husi munisípiu

Asegura kampaña EA, ParPol labele mobiliza masa husi munisípiu

0 views

Atu labele mosu aktus krimi no asidente durante prosesu kampaña eleitoral Eleisaun Antesipada (EA), Komandante Jeral Polisia Nasional Timor-Leste (PNTL), Komisariu Julio Hornay, sujere Partidu Polítiku (ParPol) sira labele mobiliza masa husi munisípiu ida ba munisípiu seluk.

“Risku iha Díli ne’e com capital, ema hotu-hotu konsentra mai iha ne’e, ainda bem iha kampaña ne’e ita hatene katak normalmente kampaña nia rohan ikus ne’e konsentra ParPol boot sira ne’e, entaun sira husi munisípiu konsentra iha ne’e, mais sé ita nafatin mantein sistema iha eleisaun tinan kotuk ninian, katak labele halo mobilizasaun militante husi munisípiu ida ba munisípiu seluk, entaun ne’e aman liu,” Komisariu Julio Hornay ba jornalista sira hafoin remata enkontru semanal ho Prezidente Repúblika (PR), Francisco Guterres ‘Lú Olo’, iha Palasiu Prezidensial, Bairo Píte, Díli, Kinta (15-02-2018) hodi informa situasaun jeral iha Timor-Leste iha semana ida ne’e nia laran.

Nia esplika, ParPol sira labele mobiliza masa husi munisípiu ida ba munisípiu seluk ne’e diak liu, atu nune’e povu sir abele tuur hakmatek iha sira-nia munisípiu hodi rona programa ParPol ninian, intende hodi determina sira nia votus.

“Ha’u fó hanoin ba joven no ema hotu-hotu tantu husi ParPol ne’ebé de’it, diak liu tuur hakmatek hein sira mai hato’o sira nia programa, ita rona, para ita intende sira nia programa hodi determina ita nia votu ne’e atu ba ida ne’ebé, do que ita lalin malu husi munisípiu ida ba munisípiu seluk, la manan buat ida, ita maka terus de’it, tanba tenki gasta enerjia, hasa’i osan sosa mina ba transporte, ba hahaan, sigaru, pior liu hemu tua monu iha dalan, saugati de’it, tanba ne’e ami espera katak ParPol sira bele hanoin ida ne’e,” haktuir Komandante Jeral PNTL ne’e.

Nia akresenta, medida prevensaun PNTL ninian ba EA maka halo patrullamentu, check point no liu husi Ofisial Polisia Suku (OPS) hamutuk ho Xefi Suku no Xefi Aldeia sira halo sosializasaun para informa ba joven povu tomak para intende sees an husi aktus krimi durante kampaña no prosesu EA.

“Ita sempre sosializa bei-beik ba joven sira katak kuandu sira konduz kareta no motor tenki ho kondisaun ida ne’ebé maka diak, labele hemu tua, tanba hemu tua lanu ona ne’e diak liu toba, do que imi tenki ser konduz motor no kareta, ne’e risku asidente sempre mosu,” relata Komisariu Julio Hornay.

Situasaun jeral Timor-Leste iha semana ida ne’e nia laran la’o ho hakmatek hakmatek, só iha asidente 31 rezulta nain 1 mate no insidente 40, asidente ne’e akontese tanba fator umanu no ema lakoi kuida saúde, tanba ne’e dalabarak ema hemu tua maka lori kareta no motor viola sinais tranzitu, entaun hamosu asidente. ves


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker