GMN TV Justica e Segurança Somotxo: Treinamentu militar balun sekretu

Somotxo: Treinamentu militar balun sekretu

0 views

Ministru Defeza no Seguransa (MDS), José Agostinho Sequeira ‘Somotxo’, deklara, media labele halo kobertura direta ba treinamentu militar balun, tanba treinamentu militar balun sekretu no taka ba públiku.

“Razaun tanba segredu, razaun tanba instituisaun ne’e militar, imi hakarak hatene razaun ne’e, bá Indonesia ne’ebé besi-besik ita, ne’e imi hatene ona, kualker jornalista ne’ebé maka tama iha ne’ebá ne’e konsidera espiaun. Ne’e todan tebes ba imi jornalista sira kuandu halo filmajen akompaña militar sira nia treinu, tanba ne’e la’os atu fó sai iha públiku no la fó sai ba públiku la signifika taka ba ita-nia povu, maibé ita halo buat hotu para asegura povu ida ne’e, rai ida ne’e,” Somotxo,  ba jornalista sira hafoin remata enkontru semanal ho Prezidente Repúblika (PR), Francisco Guterres ‘Lú Olo’, iha Palasiu Prezidensial, Bairo Píte, Díli, Tersa (27-02-2018).

Nia esplika, dalaruma jornalista sira no públiku Timor-Leste dehan ne’e buat foun, maibé rai seluk uluk kedas kuandu harii militar, ninia segredu iha kedas ona.

“Ohin loron ne’e hanesan quartéis sira mós laiha seguransa, mais kuandu rai seluk, imi kuandu la’o ba Europa ka iha fatin seluk moru 3 metrus mais arame paru-paru, ita labele tama, tama iha ne’ebá buka mate,” haktuir MDS.

Nia akresenta, dau-daun ne’e polítiku sira dehan MDS politizadu, maibé sira la hatene saida maka politiza insituisaun Defeza no Seguransa.

“Ita hanesan nasaun independente ida no pais ida ne’ebé iha forsa, para labele dehan konvivens ou konvive ho sivil no militar hamutuk de’it, maibé tenki iha separasaun. La presiza dehan artigu ida maka koalia kona-bá ida ne’e, militar la presiza artigu no iha seguransa mós hateten segredo sigilo, ne’e signifika labele kompara ho MDS hanesan ministériu Agrikultura no ministériu sira seluk,” relata Somotxo.

Nia informa, públiku hatene ona saida maka defeza no seguransa, defeza no seguransa presiza sigilo ou segredu, tanba ne’e iha rai ne’ebé de’it militar iha ninia segredu, ezemplu aviaun ninia taktika to’o iha ne’ebé ne’e labele fó sai ba públiku.

Entretantu tuir Konstituisaun RDTL artigu 40 no 41 kona-bá liberdade imprensa no liberdade expresaun, hateten jornalista iha poder hala’o ninia funsaun sosial kontrola programa sira ne’ebé insituisaun Estadu no Governu hala’o, tanba knaar jornalista nian mós garante iha konsituisaun RDTL. Maske nune’e iha segredu nasaun nian balun, media ka públiku  labele hatene.ves


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker