GMN TV Justica e Segurança TR sei haree pedidu Alkatiri halo auditoria ba kada Ministeriu

TR sei haree pedidu Alkatiri halo auditoria ba kada Ministeriu

0 views

Tribunal Rekursu (TR) simu ona pedidu husi Primeiru Ministru (PM), Mari Alkatiri ne’ebé husu ba Tribunal Camara de Contas atu halo auditoria ba kada Ministeriu.

Prezidente TR Deolindo dos Santos, hatete, sira simu ona pedidu PM Mari Alkatiri nian ne’e, maibe nia parte seidauk haree pedidu nia kontiudu saida, tanba ne’e nia seidauk bele fo komentariu ne’ebé klean.

“Simu ona maibe ha’u seidauk haree nia kontiudu, normalmente kuando ita haree ona Camara de Contas ezerese nia funsaun atraves husi TR sei haree depois mak iha planu ba oin saida mak ami sei halo ba pedidu ne’e,’’dehan Deolindo hodi responde jornalista sira iha Caicoli, Kinta (08/02).

Deolindo informa, Camara De Contas ezerse nia funsaun iha TR bazeia ba lei organiku Camara De Contas nia knaar prinsipal mak atu haree prosesu tomak ne’ebé involve osan Estado kuando bainhira iha kontratu ruma ka obra uza osan Estado Timor nian entaun Camara de Contas liu husi TR iha kompotensia tomak atu halo audit hodi bele verifika osan sira ne’e uja duni tuir regras no nia dalan no uja duni ba obras sira ne’e ka lae.

“ Ba RAEOA antes ne’e halo ona mas agora nia prosesu la’o hela no tuir lei kuandu prosesu la’o hela ami labele koalia sai ba publiku,’’ tenik Deolindo.

Antes ne’e portavoz Governu Matias Boavida hatete, PM Mari Alkatiri, solisita ba Tribunal Camara de Contas atu hahú halo auditoria atu hahú uluk husi RAEOA.

“ PM Mari mos orienta on aba instituisaun kompotente atu halo audit ba Ministeriu Finansas, Ministeriu Turismu ho Ministeriu Infrastrutura,’’ esplika Matias.

Tuir lei orgánika Camara de Contas numeru 9/2011 artigu rua kona ba juridicao ho kompotensia iha alinea ida hatete, tribunal Superior Administrativu, Fiskal no Conta exerce nia funsaun husi camara conta, iha kompetensia ba kontrolu finansas publika no iha jurisdisaun no poder ba kontrolu finanseiru iha ordem juridika ba RDTL, iha rai laran no mos iha rai liur, relasiona ho servisu, organism no representasaun husi Estadu iha liur.

Alinea rua hatete, , tribunal Superior Administrativu, Fiskal nia bele fiskaliza legalidade no regularidade ba reseita no despesa publika, apresia jestaun diak ba finansas no fo hatene responsabilidade ba infrasaun finanseira. nia


Banner

Foto

Notisia Ikus

Armanda Berta deklara kandidata-an ba PR, promete kumpre deit K-RDTL

January 21, 2022
Prezidente Partidu Kmanek Haburas Unidade Nasion...

Laiha konbustível ba kareta funeráriu, PN kritika MSSI halo servisu la hatene

January 21, 2022
Parlamentu Nasionál (PN), kestiona maka’as ka...

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker