GMN TV Justica e Segurança Adérito Hugo: Konfrontu iha rai laran laiha ligasaun ho polítika

Adérito Hugo: Konfrontu iha rai laran laiha ligasaun ho polítika

Prezidente Komisaun B, ne’ebé trata asuntu Defeza no Seguransa, Adérito Hugo, konsidera, konfrontu entre joven sira iha rai laran, laiha ligasaun ho situasaun polítika ne’ebé la’o dadaun iha Timor-Leste.

Eis Prezidenti Parlamentu Nasional ne’e esklarese informasaun ne’e relasiona ho espekulasaun balu iha públiku hodi hateten, konfrontu ne’ebé dadauk ne’e mosu iha fatin-fatin iha Díli laran, tanba impase polítiku ne’ebé la’o durante tinan rua resin ona.

Tuir deputadu Aliansa Maioria Parlamentar (AMP) ne’e katak, problema ka konfrontu ne’ebé mosu hodi perturba populasaun nia moris lor-loron, nu’udar kompetensia seguransa nian atu halo atuasaun.

“Ha’u la haree situasaun ne’e atu liga ho situasaun polítika, maibé akontesimentu sira ne’e, kategoria tama ona iha orden públiku, se de’it mak hala’o nia atividade perturba orden públika, tenki halo atuasaun, tanba se tama ona perturbasaun, komunidade la hakmatek, la hela iha Bairo no hela husi uma”, Adérito Hugo ba jornalista iha nia knár fatin PN, Kuarta (06/02/2019).

Aderito Hugo garante katak, autoridade kompetente sei bele implementa didi’ak lei no orden ne’ebé iha ona husi nasionál to’o baze.

“Presiza haree situasaun ne’e, se akontesimentu ne’e ezemplu iha fatin ida akontese tolu, haat dala ida, ita presiza haree situasaun ne’e mós, tanba saida mak halo atuasaun tarde”, dehan Hugo.

Prezidente komisaun B ne’e kompromete atu haree razoens hotu ne’ebé dalaruma halo servisu seguransa nian hodi halo atuasaun ba situasaun ka konfrontu ruma tarde demais.

“Ami sei koordena ho entidade relevante sira, ho Komando hodi haree situasaun ne’e, tanba sa mak akontese, karik tanba iha akontesimentu rua tolu mak atraza ka, tanba situasaun seluk”,relata Hugo.

Deputadu AMP ne’e esklarese, nu’udar reprezentante povu, sei koopera ho Komando sira husi nível nasionál to’o Suku, ho estabelesimentu Ofisial Polísia Suku (OPS) ne’ebé iha, hodi haree situasaun no kondisaun hotu OPS no Polísia Nasionál Timor-Leste tomak.

“Ita iha ona OPS iha suku hotu, iha mós insentiva ba sira, ami komisaun B mós sei akompaña ida ne’e, hodi kontinua tau atensaun, la’os perfeitu liu, maibé entermus servisu operasionalizasaun di’ak, karik kestaun ida seluk fatin servisu mak ladun di’ak, maibé ami komisaun B mós halo akompañamentu ba ida ne’e ho ministériu, atu haree oinsa haree fatin servisu sira, maibé ida parte seluk ida husi sira-nia obrigasaun atu halo atuasaun ba kualker aktus perturba ordem públik, aktus ida ne’ebé halo povu la hakmatek, no la seguru”, relata eis PPN ne’e.

Membru Parlamentu Nasionál husu sidadaun hotu, atu fó konfiansa nafatin ba Timor-oan feto no mane, ne’ebé haknár án iha Polísia Nasionál Timor-Leste (PNTL), hodi servisu ho responsabilidade no profesionalismu.

Antes ne’e, deputadu bankada PLP, Sabino Guntur hato’o mós nia preokupasaun iha  plenária kona ba, problema entre arte marsiais ne’ebé akontese iha Suku Buruma, Munisípiu Baucau, ne’ebé impede movimentu transporte públiku no perturba atividades populasaun nian iha suku refere.say


Banner

Foto

Notisia Ikus

Portu Díli sei transforma ba zona turístika

July 30, 2021
Primeiru Ministru (PM) Taur Matan Ruak, hatete b...

PN ezije Governu responde povu nia halerik durante pandemia

July 30, 2021
Reprezentante povu sira iha Parlamentu Nasionál...

PPN la admite kansela diskusaun lei EOJF

July 29, 2021
Prezidente Parlamentu Nasionál (PPN) Aniceto Gu...

Governu aplika SS iha munisípiu Ermera no Díli ba semana rua

July 29, 2021
Governu liu husi reniaun Konsellu Ministru, Kuar...

PPN Aniceto promete sei altera LPV antes mandatu remata

July 29, 2021
Prezidente Parlamentu Nasional (PPN), Aniceto Gu...
1 2 3 622

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker