GMN TV Justica e Segurança Assanami la marka prezensa, TDD adia julgamentu kazu karau susu-been

Assanami la marka prezensa, TDD adia julgamentu kazu karau susu-been

0 views

Tribunal Distrital Díli (TDD) iha Kinta (7/2/2019) ne’e, kontinua hala’o julgamentu ba kazu karau susubeen ne’ebé atu sosa husi Ministériu Agrikultura no Peska (MAP) ne’ebé deskonfia involve eis Vise Ministru MAP, Marcos da Cruz, Lorenco Borges, Regina da Costa, Feliz Octavio no Manuel Ricardo.

Maibé iha julgamentu ne’e, TDD seidauk bele rona husi sasin eis Ministru MAP, aktual Prezidenti Partidu PD, Mariano Assanami Sabino, maibé nia parte foin simu notifikasaun husi TDD, tanba ne’e nia sei fó resposta eskrita ba TDD. Nune’e hafoin foti desizaun, juíz prezidi marka fali audénsia ba loron 28, fulan ne’e, hodi kontinua rona husi sasin sira seluk.

Maibé antes ne’e, tuir akuzasaun husi Ministériu Públiku (MP) katak, arguidu Marcos da Cruz nu’udar Vise Ministru MAP hahú husi tinan 2012 no sai interinu Ministru MAP iha tinan 2014.

Arguidu Lorenco Borges nu’udar Diretór Jerál MAP iha tinan 2012-2015, arguida Regina da Costa nu’udar Diretora Nasionál aprovizionamentu MAP iha tinan 2014 to’o 2015, arguidu Feliz Octavio nu’udar Xefi Departamentu lojístiku MAP husi tinan 2014 to’o ohin loron no arguidu Manuel Ricardo nu’udar Diretór kompañia Nova Breeding and trading unipessoal, Lda.

Iha fulan Febereiru tinan 2014, AA nu’udar Xefi Departamentu Produsaun Animal iha Diresaun no veterinaria iha MAP, prepara proposta sosa fini karau susubeen hamutuk 165, husi Australia, hodi distribui ba benefísiu iha Era Ulu, postu administrativu Letefoho-Ermera no Fuiloro Lautem ho USD660.000.

Proposta ne’e entrega ba Calisto da Costa Varela nu’udar Diretór Nasionál Pekuaria no veterinaria hodi submete ba arguidu Lorenco Borges no iha loron 25, fulan febereiru, tinan 2014 proposta sosa fini karau susubeen hetan aprovasaun husi arguidu Lorenco Borges.

Iha loron 25, fulan Febereiru, tinan 2014, Narcisio de Carvalho prepara CPV ho montante USD660.000 no hetan autorizasaun husi Mariano Assanami Sabino nu’udar Ministru MAP, depois sertifika husi arguidu Lorenco Borges.

Kuandu hetan tiha aprovasaun husi ministru MAP, iha loron 31, fulan Jullu, tinan 2014 loke tenderizasaun no kompañia Nova Breeding Trading Unipessoal. Lda maka manan no sei sosa karau susubeen ida ho folin  USD3.995 no karau susubeen hamutuk 165 ho montante global USD659.17500. Iha loron no tinan ne’ebé hanesan Ministru MAP, Assanami reprezenta MAP asina akordu ho kompañia Nova Breeding Trading Unipessoal. Lda ne’ebé reprezenta husi arguidu Manuel Ricardo, nu’udar Diretór kompañia no iha kontratu determina katak, kompañia sei hatama karau hamutuk 165, hahú husi loron 31, fulan Jullu, tinan 2014 to’o loron 31, fulan Outubru, tinan 2014.

Iha tinan ne’ebé determinadu 31 fulan, Outubru, tinan 2014, kompañia Nova Breeding Trading. Lda seidauk hatama fini karau susubeen tuir kontratu, maibé iha loron 13, fulan Novembru, tinan 2014, kompañia halo ona invoice falsu no hato’o ba MAP liu husi Departamentu lojístiku MAP katak, karau susubeen hatama ona ba MAP no husu halo inspesaun ba karau susubeen no mós prosesu pagamentu ba kompañia, maski karau susubeen seidauk hatama.

Iha loron 19, fulan Novembru, tinan 2014, arguidu Feliz Octavio hatu’un despaixu ba ninia sub-ordináriu, Julio Inacio Viegas hodi prepara ba inspesaun resibimentu no iha loron ne’e kedas, Julio Inacio Viegas prepara dokumentu resebimentu no inspesaun no hato’o ba arguida Regina da Costa hodi halo aprovasaun ne’ebé la koresponde ho realidade katak, karau susubeen seidauk hatama.

Depois de arguida Regina da Costa aprova dokumentus resibimentu no inspesaun, Aquildis da Silva prepara kedas pedidu pagamentu ba kompañia ho montante USD659.175 ne’ebé hetan aprovasaun husi Lorenco Borges.

Iha loron 24, fulan Novembru, tinan 2014, pedidu pagamentu ikus hein aprova husi arguidu Marcos da Cruz nu’udar Vise Ministru MAP, ne’ebé exerse ninia funsaun nu’udar interinu ba Ministru MAP, maski arguidu hatene katak, nia seidauk simu karau susubeen husi kompañia, maibé arguidu aprova pedidu pagamentu hodi realiza pagamentu ba kompañia ne’ebe la koresponde ho realidade.

Arguidu Manuel Ricardo bainhira asina kontratu nia hatene katak, iha kapasidade atu hatama karau susubeen 165, maibé karau seidauk tama arguidu lori dokumentu invoice ho DO falsu no bosok katak, karau simu ona husi MAP no husu pagamentu.

Tanba ne’e, MP akuza arguidu Marcos da Cruz, Feliz Octavio, Regina da Costa ho Lorenco Borges ba prátika krimi partisipasaun ekonómia iha negosiu artigu 299, arguidu Feliz Octavio, Regina da Costa ho Lorenco Borges ba krimi falsifikasaun dokumentus iha artigu 303, husi kódigu penál Timor-Leste no arguidu Manuel Ricardo hanesan autór ba prátika krimi burla agravadu ne’ebé previstu iha artigu 267, husi kódigu penál Timor-Leste.

Audénsia julgamentu ne’e, prezidi husi juiza kolektivu, Ana Paula Fonseca, Zulmira Auxiliadora no juíz Eusebio Xavier, MP reprezenta husi prokuradór, Jacinto Babo no arguidu sira hetan asisténsia legál husi defensór públiku, Marçal Marcarenhas, inklui advogadu privadu. Ita

 


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker