GMN TV Justica e Segurança Deskonfia hatama droga mai Timor-Leste, Sidadaun Indonesia hatán iha TDD

Deskonfia hatama droga mai Timor-Leste, Sidadaun Indonesia hatán iha TDD

1 views

Tribunál Distrital Díli (TDD), halo fali rejulgamentu ba kazu droga ne’ebé deskonfia hatama husi sidadaun Indonezia arguidu YBM, bazeia ba rekursu ne’ebé Ministériu Públiku (MP) hatama ba Tribunal Rekursu (TR), tanba la konkorda ho desizaun TDD ne’ebé antes ne’e hamonu sentensa suspensaun.

Tanba ne’e liu husi desizaun TR husu ba TDD atu rona fali arguidu YBM nia deklarasaun liu husi rejulgamentu ona iha audénsia, arguidu deklara faktus hotu loos, maibé kona-bá hatama droga arguidu rezeita, tanba la’os arguidu maka hatama droga, maibé nia hanesan konsumidor de’it.

“Ha’u la hatama droga ne’e, ha’u so apenas sosa tutan para konsumu no autor loloos maka ED nia maka hatama no fo mai ha’u sosa”, deklara arguidu YBM iha sala audénsia TDD ne’e.

Iha fatin hanesan Xefi Intelejenti, DG hanesan mós sasin iha kazu ne’e deklara, loos duni iha tinan 2015 halo kapturasaun ba arguidu nain hát (4) ne’ebé deskonfia hatama droga, maibé depois de halo investigasaun arguidu YBM só konsumu de’it la’os importa, maibé evidensia barak hatudu katak, arguidu rai droga iha sira nia uma hodi fa’an ba ema seluk.

Hafoin rona husi arguidu YBM no sasin, juíz prezidi marka fali audénsia ba loron seluk, hodi submete ba alegasaun.

Antes ne’e, tuir akuzasaun husi MP ne’ebé lee sai husi juíz prezidi katak, iha loron 15, fulan Janeiru, tinan 2015, arguidu YBM hatama droga  ho tipu sabu no fa’an fali ho kada grama ho valor USD500 no iha fali loron 8, fulan Marsu, tinan 2016, wainhira halo kapturasaun ba arguidu iha ninia hela fatin Delta-Comoro, arguidu konsumu hela droga, tanba ne’e iha momentu ne’ebá kedas polísia ka’er no halo revista ba arguidu nia hela fatin hodi hetan droga ho tipu sabu item nén (6), eleitoral, sertidaun RDTL no sertidaun batizmu ne’ebé uza ema seluk nia naran ho razaun atu trata dokumentu ba servisu iha Inglatera.

Audénsia julgamentu ne’e prezidi husi juíz kolektivu, Antonio do Carmo, Maria Solana no Ivan Suritay, MP reprezenta husi Prokuradora, Lidia Soares no arguidu hetan asisténsia legal husi Defensor Públiku, Jose da Silva. ita

 


Banner

Foto

Notisia Ikus

Xanana ko’alia relasaun Uniaun Europeia ho Indo-pasífiku

June 27, 2022
Reprezetante Espesiál Timor- Leste ba Ekonomia ...

STAE hahú halo preparasaun ba Eleisaun Parlamentar 2023

June 27, 2022
Sekretariadu Administrasaun Eleitoral (STAE) hah...

PM no Vise PM nain rua la partisipa iha aprezentasaun programa 2023 ba PR

June 27, 2022
Membru Governu iha semana kotuk aprezenta progra...

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...
1 2 3 740

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker