GMN TV Justica e Segurança Deskonfia naok Bibi, PM kastigu membru F-FDTL ida

Deskonfia naok Bibi, PM kastigu membru F-FDTL ida

0 views

Polísia Militar (PM)   kastigu membru FALINTIL Forsa Defeza Timor-Leste (F-FDTL) ho inisial JM, hala’i kobre Bairu Becusi, Becora,  Kuluhun, Caicoli  hodi fila-fali ba Kuartel Polísia Militar Kintal Boot Díli, tanba deskonfia JM naok komunidade sira-nia bibi.

Kazu ne’e akontese  Domingu  (10/02/19) mais ou menus tuku haat loraik,  oras Timor-Leste

JM deskonfia tenta atu naok  komunidade  Francelino Guterres Sequeira nia bibi ne’ebé kesi hela iha área Xina-Rate.

Ho akontesimentu ne’e  komunidade  kontaktu  kedas ba  PM ba kedas iha fatin akontesimentu hodi kaptura kedas JM no lori ba detein iha sela PM Kintal Bo’ot Díli hodi  submete ba  prosesu  investigasaun.

Komandante Unidade Polísia Militar Major  Abel Da Costa Xavier “NIKI”  Klarifika Katak,  Segundu Sarjentu  JM,  nu’udar Instrutór F-FDTL  iha Metinaro la’os Membru Polísia Militar.

“Ha’u atu klarifika katak,  membru F-FDTL ho inisial JM ne’e la’os Polísia Militar, maibe  horseik ne’e komunidade hare’e sala kareta Polísia Militar  ne’e mak sira hanoin katak, membru ne’e Polísia Militar”, esplika Komandante  Unidade PM Major  Abel Da Costa Xavier “NIKI” ba  jornalista sira  Segunda (11/02/19) iha Kuartel Unidade Polísia Militar Kintal Bo’ot Díli.

Nia hatutan, prosesu  ba kazu  ne’e, sei hala’o interna iha Polísia Militar, hafoin rekomenda ba Xefe Estadu Maior Jeneral  F-FDTL Maijor Jenerál Lere Anan Timur.

“Ami Polísia Militar la hola medida, maibé ne’e ami sei haloa investigasaun, hodi hato’o relatoriu ba sua exelensia  Xefe Estadu Maior Jeneral  F-FDTL Maijor Jenerál Lere Anan Timur depois desizaun Jeneral mak sei foti desizaun”,dehan Major Niki.avi


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker