GMN TV Justica e Segurança Eis Governante kontinua uza CSP, PN husu KomJer PNTL foti medida

Eis Governante kontinua uza CSP, PN husu KomJer PNTL foti medida

0 views

Komisaun B iha Parlamentu Nasionál (PN), ne’ebé trata asuntu Defeza no Seguransa, husu ba Komando Jerál Polísia Nasionál Timór-Leste (PNTL) atu foti medida kona ba membru Korpu Seguransa Pesoal (CSP-sigla portugés) ne’ebé to’o agora sei ativu fó seguransa ba eis membru Governu sira.

Membru Komisaun B, deputadu David Dias Mandati husi bankada FRETILIN hateten, ema ne’ebé merese atu hetan seguransa bainhira mandatu remata ona mak eis titulares sira.

David Dias Ximenes hato’o nia preokupasaun ne’e relasiona ho eis Ministru Turismu, Francisco Kalbuadi Lay ne’ebé to’o agora membru CSP sira kontinua fó seguransa ba nia.

“Karik ordem ruma husi komandante sira para fó nafatin eskolta ba sira eis membru governu, ne’ebé la’os titulares, ne’e sala”, hateten David Dias ba jornalista iha PN, Tersa (26/02/2019) ne’e.

Tuir Membru komisaun B ne’e katak, komandante sira presiza halo kontrolu ba membru CSP sira, bainhira membru Governu ne’ebé fó eskolta nia mandatu remata ona, tenki retira.

“Komandante sira la kontrola buat sira ne’e, ida ne’e mak kesalahan (fallansu-red) ladi’ak ne’e, tanba ne’e mak dalaruma rungu-ranga, ita bolu mai mós sira lahatene tanba saida mak sai rungu-ranga ne’e. Lolos komandante sira buka tuir kedan buat hanesan ne’e, maibé tanba ha’u lahatene, kuandu ha’u hatene  ha’u hapara kedas buat ne’e, tanba ita polísia sira halo eskolta ne’e, la’os hanesan kompañia privada nia seguransa ne’e la’os, ne’e Estadu nian, só Estadu mak sei orienta atu eskolta se”, relata David Dias.

Maibé tuir David Dias, atu Estadu mak orienta mós, tenki tuir lei no regras, se sai husi regras ida ne’e, abuzu ona poder, no ne’e lalos.

Deputadu FRETILIN ne’e informa, tuir regras legal ne’ebé iha, membru Governu ho titulares, inklui eis titulares hanesan órgaun soberanu 4 ne’e mak bele kontinua uza seguransa Estadu nian, maibé lei la premite ba eis membru Governu ne’ebé laiha títulu.

“Buat ida uza eskolta ne’e, iha dekretu lei protokoler ba membru Governu hotu bele hetan eskolta, maibé karik la’os ona membru Governu, labele halo eskolta. exempu eis titulares hanesan, Prezidente Repúblika, Primeiru Ministru ho Prezidente Parlamentu Nasionál, inklui Prezidente Tribunal Rekursu mós, iha direitu konforme sira para iha fasilidade sira ne’e”, relata David Dias.

Relasiona ho preokupasaun deputadu komisaun B nian ne’e, jornalista tenta konfirma ho eis ministru  Francisco Kalbuadi Lay,  maibé lakohi fó komentáriu.say

 


Banner

Foto

Notisia Ikus

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker