GMN TV Justica e Segurança Lere Anan Timur: Atua problema arte marsial, direitu umanu tau ba kotuk

Lere Anan Timur: Atua problema arte marsial, direitu umanu tau ba kotuk

0 views

Xefe Estadu Maior Jeneral Falintil - Forsa Defeza Timor Leste (F-FDTL), Major Jeneral Lere Anan Timur,  afirma Instituisaun rua F-FDTL ho Polísia Nasional Timor-Leste (PNTL), atua problema arte marsiais sei tau sés Direitu umanu. 

 “Arte marsiais ha’u hanoin katak loron hira liu ba to’o agora kuaze ke arte marsiais ativu lo’os iha Baucau, iha Liquisa iha Dili sunu uma, sona ema, duni malu halo ita nia populasaun lahakmatek, ha’u hateten ona ba komandante Jeral PNTL ita hein husik sira halo bá kuandu ita tún ita tau direitus humanus ita tau ba sorin, ita defende estabilidade, defende hakmatek ita nia komunidade nian,” afirma Lere Anan Timor hafoin enkontru ho Prezidenti Repúblika, Kuarta (06/02) iha palásiu prezidenti Bairu Pite.

Lere Anan Timur hatutan katak konfrontu ne’ebe arte marsiais sira halo konsidera nudar krimi organizadu. Konfrontus arte marsiais komesa mosu fila fali iha públiku ne’ebé la’os deit akontese iha kapitál Díli,maibé kuaze munisípiu hotu-hotu iha territóriu tomak.

Xefe Estado Maior Jeneral hatutan konfrontus arte marsiais rezulta oho malu, sunu no estraga komunidade inosente sira nian uma no fasilidade sira, situasaun ne’e afeta tebes ba komunidade sai trauma no tauk  atu halo movimentu no hala’o sira nian atividade lor-loron.

Entretantu,  kazu konfrontus ne’ebé akontese iha Baucau foin lalais ne’e, Polísia munisípiu Baucau kaptura ona suspeitu rua no kumpri ona pena prizaun preventiva no suspeitu na’in 10 mak identifika no kontinua iha prosesu buska.

Nunee mos konfrontu ne’ebé akontese iha Comoro, aldeia Golgota, Fatuhada Aldeia Zero Três no Caicoli, Polísia kaptura ona suspeitu nain 7 no detein ona iha sela polísia.

Governu sei halo diálogu ho líder GAM

Nune’e mos, atu hakotu problema entre Grupu Arte Marsiais (GAM) sira, iha tempu badak nia laran Governu  sei halo diálogu ho líder GAM, para ko’alia ho sira oinsa kontrola membru sira iha terenu, atu nune’e bele garante paz no estabilidade iha rai laran.

“Inisitiva hodi realiza diálogu ne’e, tanba  ikus-ikus ne’e sempre  mosu problema  iha bairru (Díli laran-red) to’o munisípiu, ne’ebé deskonfia membru GAM sira maka sai autór prinsipál, Tanba ne’e Governu hakarak rona hanoin husi líder GAM sira, oinsa bele iha akordu ida, atu nune’e bele kontrola membru sira iha terenu, hodi garante paz no estabilidade”,Ministru Reforma Lejislativa Asuntu Parlamentar (MRLAP), Fidelis Magalhães ba jornalista sira hafoin partisipa selebrasaun peace run ba dala tolu (3), iha uma fukun Parlamentu Nasionál (PN), Tersa (05-02-2019).

Nia esplika, Governu la komenta kauza husi kazu ne’ebé maka akontese iha rai laran, tanba polísia kontinua halo ninia servisu hapara krimi iha Timor-Leste no wainhira krimi mosu loke dalan ba justisa halo ninia servisu atu garante paz no estabilidade.

“Ha’u dehan polísia bele halo nia servisu  hapara krimi no krimi mosu  fó dalan ba justisa halo nia servisu atu garante paz no estabilidade, ida ne’e juíz maka sei garante, maibé atuasaun no prevensaun servisu seguransa maka sei garante paz no estabilidade ba organizasaun sira ne’e”, haktuir Fidelis Magalhães.

Nia akresenta, tanba ne’e maka Governu sei hasoru malu ho líder GAM sira ho intensaun  atu iha komunikasaun di’ak no atu haree esbosu lei sira, maibé líder organizasaun GAM mós iha dever atu kontrola ninia membru sira, atu nune’e bele hetan konfiansa husi komunidade.

“Sé sira la hetan konfiansa husi ita nia komunidade, laiha valor ba ita atu ko’alia halo diskusaun kona-bá sira nia ezistensia iha rai ida ne’e”, tenik MRLAP ne’e.

Antes ne’e,  prezidenti komisaun reguladora Arte Marsiais (KRAM) husi munisípiu sanulu-resin-rua (12) no RAEOA-Oe-Cusse entrega ona relatóriu monitorizasaun ba ba aktividade no ezistensia KRAM ninian ba Ministra Edukasaun Joventude no Desportu (MEJD), Dulce de Jesus Soares.

Reprezentante KRAM husi munisípiu sanulu-resin-rua (12) no RAEOA-Oe-Cusse mós husu ba Governu atu tau atensaun sériu ba problema GAM iha teritóriu tomak, tanba durante ne’e sempre hamosu problema iha fatin hotu. Eus/Ety


Banner

Foto

Notisia Ikus

Governu sei distribui meza-kadeira ba eskola sira iha territóriu nasionál

May 16, 2022
Governu liuhosi Ministériu Edukasaun Juventude ...

RI-TL konkorda diskute uluk fronteira terrestre

May 16, 2022
Embaixadór Repúblika Indonézia (RI), Okto Dor...

Xanana: Horta sai PR ne’e povu nia vitória

May 16, 2022
Prezidente Partidu CNRT, Kay Rala Xanana Gusmão...

PN haruka Proposta-Lei OR ba PR Lú Olo

May 13, 2022
Parlamentu Nasionál (PN), haruka Proposta-Lei O...

PR eleitu sei deklara TL prontu adopta DFU

May 13, 2022
Prezidente Repúblika (PR) eleitu, José Ramos H...
1 2 3 726

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker