GMN TV Justica e Segurança Motorista indisiplinadu fó kauza ba mota lori Bis "Pasajeira ida lakon"

Motorista indisiplinadu fó kauza ba mota lori Bis "Pasajeira ida lakon"

0 views

Prezidenti komisaun E Parlamentu Nasional (PN), Abel Pires, konsidera, insidenti bis diresaun Suai-Díli mout iha mota Kasnafar, suku Manleuana, postu administrativu Dom Aleixo, munisípiu Díli, ne’e tanba motorista bis refere indisiplinadu.

“Ita hatene udan no mota boot motorista labele foti risku hodi ultrapasa husi mota refere, maibé motorista hakarak ultrapasa to’o fó risku ba pasajeiru no mota lori bus”, Prezidenti komisaun E ne’ebé trata asuntu infraestrutura iha PN, Kuarta (20-02-2019).

Nia esplika, ho insidente ne’ebé akontese iha mota Kasnafar, komisaun G iha PN sei fó rekomendasaun ba Ministro Trasporte no Comunicacão (MTC), tenki halo para revista kondisaun motorista sira antes atu halo viajen ba munisípiu, nune’e insidenti hanesan ne’e labele akontese tan.

“Ha’u husu ba ita nia komunidade sira ne’ebé halo viajen, liu-liu motorista sira atu kuidadu no haree mota boot ka rai hali’is,  tenki la’o ho kuidadu, tanba agora tempu udan akontese hela de’it, sé ita la kuidadu, ita bele halo ema seluk nia vida iha risku nia laran”, haktuir Abel Pires.

Relasiona ho akontesimentu bus diresaun Suai-Díli mout iha mota Kasnafar, suku Manleuana, postu administrativu Dom Aleixo, munisípiu Díli, iha tempu badak nia laran komisaun  E PN sei ko’alia ho kompañia atu tau iha prioridade ba kestaun ne’e, tanba mota refere fó risku ema nia vida.

Pasajeira ida lakon

Mota Kasnafa Comoro, iha loron Tersa (19/02/2019), lori bis  diresaun Díli-Suai ho pasajeirus hamutuk nain sanulu resin tolu (13), no husi númeru ne’e, pasajeira ka inan feton ida seidauk hetan to’o agora (lakon).

Sekretáriu Estadu Protesaun Sivíl, Alexandrinho Xavier Lopez, hateten, impaktu husi udan bo’ot ne’ebé akontese ihaTersa loron 19 fulan ne’e, halo mota Kasnafa sae maka’as hodi lori bis ida.

“Bis diresaun Díli-Suai mout, tanba motorista obriga hakur mota ne’e. Iha bis laran  ne’e tula pasajerus nain 13, inklui labarik ki’ik na’in hat. Iha akontesimentu ne’e, pasajeirus na’in 12 konsege salva husi ekipa Bombeiros, maibé pasajeira ida seidauk hetan to’o agora”,  hateten Alexandrinho Xavier Lopez ba GMN iha nia kna’ar fatin Caicoli Díli, Kuarta (20/02).

Nia haktuir, bainhira  parte protesaun sivíl rona akontesimentu  ne’e, nia parte telefone kedas ba Bombeiros hodi halo intervensaun direta.

Dadaun ne’e, vítima sira lori ona ba Centru Saúde Vera-Cruz hodi hetan tratamentu.

Nune’e mós vítima Lolita dos Reis  fó sasin katak, nia senti trauma to’o agora, tanba  iha akontesimentu ne’e, vítima ho nia oan tinan ida iha bis laran.

“Ha’u nia liman sorin kaer besi ida  iha kareta, no liman ida kaer metin ha’u nia oan  hodi salva aan husi bee  mota ne’ebé bo’ot tebes”,  informa Lolita.

Alende ne’e mós, vítima Domingas de Araújo haktuir, iha momentu ne’eba nia  hatete ona ba motorista atu labele  hakur mota ne’e, maibé motorista ne’e la preokupa, kontinua hakur no ikus mai mout iha mota laran.

Entretantu iha loron Kuarta (20/02), Polísia Munisípiu Díli kaptura ona Motorista  hodi submete ba prosesu investigasaun.Ety/aba


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker