GMN TV Justica e Segurança Ohin, aniversáriu ba dala 18 tranformasaun forsa guerilla FALINTIL ba F-FDTL

Ohin, aniversáriu ba dala 18 tranformasaun forsa guerilla FALINTIL ba F-FDTL

0 views

Ohin tinan sanulu 18 transformasaun forsa guerilla FALINTIL ba forsa regular Falilintil-Forsa Defeza Timor-Leste. Falintil-Forsa Defeza Timor-Leste nu’udar forsa armada ida ne’ebé  atu defende Timor-Leste husi atakante no invazor sira husi rai liur tuir konstituisaun RDTL artigu 146.

F-FDTL forma husi Movimentu Libertasaun Nasional Armada Guerrilla  ne’ebé koñesidu liu ho Forsa Armada de Libertasaun de Timor-Leste FALINTIL.

Iha tinan 1975  movimentu FRETILIN hamoris FALINTIL iha loron 20 fulan Agustu atu sai liman kroat povu maubere nian  hodi funu hasoru invazor Indonézia.

Hafoin Timor-Leste hetan ninia independensia liu husi votasaun sekretu tinan 1999 lider Timoroan sira tuur hamutuk hodi hatoo proposta katak  Timor-Leste tenki iha forsa armada ida iha futuru.

Wainhira atu forma forsa armada Timor-Leste  hetan kritika makas husi internasional liu-liu Estadu Unidus Amerika no Australia  tanba Timor rai ida kiik  lahalo asaun ba rai liur  nune’e tuir sira  diak liu Timor uza rekursu ne’ebé limitadu hodi haforsa no hametin Polisia Nasional Timor-Leste.

Maibe komandante em xefe das FALINTIL Kay Rala Xanana Gusmão la konkorda  nune’e iha meadu tinan 2000  UNTAET konvida ekipa ida husi King's College London atu lori estudu ida ba opsaun seguransa Timor-Leste nian.

Hafoin diskusaun naruk  konsege konkorda ho desizaun ida katak Timor-Leste bele hari forsa armada  maibe forsa infanteria lijeria deit.

Nune’e loron 2 fulan Fevereiru tinan 2001 nudar loron transformasaun forsa guerrilla FALINTIL  ba forsa regular Falintil-Forsa Defeza Timor-Leste ne’ebé hahu ho nia membru hamutuk nain 650.

“Ita harii forsa armadas ida ou prosesu ida sempre iha dezafiu kona-ba rekrutamentu F-FDTL, ne’e dezafiu”,dehan Xefe Estadu Maior Jeneral FALINTIL Forsa Defeza Timor-Leste Major Jeneral Lere Anan Timur.

Atu moderniza no profesionaliza forsa armada tuir realidade nasaun nian .instituisaun F-FDTL loke nia liras hodi halo kooperasaun téknika ho nasaun sira hanesan Austrália,  Indonézia,  Malázia, Filipina, Japaun,  Korea no Xina.

Ho objetivu  tulun atu dezenvolve dia liu tan forsa armada iha area oi-oin  tantu iha formasaun rekursu umanu treinu troka informasaun hodi partisipa diak liu tan iha estabilidade rejiaun nian.

“Ha’u nia membru sira maioria ba ona kursu iha liur, formasaun area oi-oin, ita preparadu ona, maibe tenki iha meius”,dehan Xefe Estadu Maior Jeneral FALINTIL Forsa Defeza Timor-Leste Major Jeneral Lere Anan Timur

Iha mos mudansa signifikante iha instituisaun F-FDTL ne’ebé ligadu ho promosaun ba membru sira hanesan akontese iha tinan 2011 liu ba  instituisaun F-FDTL fo promosaun postu ba membru F-FDTL hamutuk haat nulu resin tolu.

Hahu husi tenente koronel ba koronel nain tolu major ba tenente koronel nain haat kapitaun ba majór nain neen  tenente ba kapitaun nain 12 primeiru sarjentu ba sarjentu adjuntu nain hitu soldadu ba segundu sarjentu nain ida no soldadu ba kabu nain 10.

No iha tinan 2018 promove koronel nain haat ba brigadeiru no tenete koronel nain tolu ba koronel.

Nomea mos brigadeiru jeneral Falur Rate Laek sai vise xefe estadu maior jeneral forsa armada troka  brigadeiru Filomeno Paixão nebe asumi ona kargu ministru defesa iha oitavu governu nian no promove koronel koliati ba xefe estadu maior.

Ho dezenvolvimentu rekursu umanu no infrastrutura ne’ebé forsa armada ne’e iha halo veteranu Tomas Madeira ho kodiku aidonan maubessi orgullu  maibe nia nafatin husu Governu tau atensaun  atu forsa ida ne’e sai profesional liu tan iha futuru.

Transformasaun FALINTIL ba F-FDTL  dásanulu resin ualu ne’e  ho tópiku prinsipal ‘Hametin Dame no Tane Soberania Nasionál’

Mensajem fundamental husi tópiku ne’e atu fo hanoin ba lider sira tuur hamutuk halo dialogu  hodi hakotu impase politiku iha Timor-Leste.nax

 


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker