GMN TV Justica e Segurança Operasaun ba GAM, Governu estabelese ekipa Task Force

Operasaun ba GAM, Governu estabelese ekipa Task Force

0 views

Governu estabelese ekipa Task Force konjuntu atu halo operasaun ba Grupu Arte Marsiais (GAM) inklui Armas Brankas, tanba to’o oras ne’e seidauk iha kriminozu ruma kastigu iha prizaun.

Ministru Defeza (MD, Filomeno Paixão de Jesus, hato’o lia hirak nee ba Jornalista sira, Segunda (11/02), hafoin hasoru malu ho Prezidente Republika iha Palasio Presidensial, Baior Pite, Díli.

Ekipa Task Force konjuntu ne’e kompostu Polisia Nasionál Timor Leste (PNTL), FALINTIL- Forsa Defesa Timor Leste (F-FDTL) no inklui mos parte Justisa.

“Problema Arte Marsiais ne’e problema ne’e ita haree pertente barak, ita labele haree deit husi pertente Polisia no F-FDTL deit,iha pertentes barak sosio ekonomiku, sosio kultural bele mos sosio politiku, tanba ne’e maka polisia ho F-FDT L mesak labele tau matan ba Arte Marsiais”, realsa Ministru Defeza Filomeno Paixão.

“Komandante polisia haruka karta ha’u simu ona, ha’u halo tiha proposta iha Sesta - feira hau haruka ba Primeiru Ministru hodi kria Task Force ida laos temi deit ona ba polisia ho F-FDTL tenke to’o Ministeriu Justisa, Sekretaris Joventude Desportu,” afirima Ministru.

Governante nee dehan, husi ekipa Taks Force nee it abele avalia lei numeru 5 Arte Marsiais to’o agora nee aplika ka lae, tanba polisia kaptura arte marsiais husi 2016 to’o 2019 ne’e besik 500 maibe laiha ida maka tama kadeia.

“Kazu sira ne’ebé mak durante ne’e mosu seidauk iha kriminozu ruma maka tama prizaun, autór sira ne’ebé mak kaptura durante tinan 2016 to’o tinan 2019 ne’e públiku lahatene konaba sira nian paradeiru no autor sira ne’e tau iha prizaun ida ne’ebé”, pergunta Ministru.

Tanba ne’e, Ministru Defesa no Ministru Interior Interinu nee dehan Governu iha responsabilidade másimu atu halo avaliasaun no kontinua esforsu atu buka tuir autór ba krime sira ne’ebé mak durante kontinua eziste.

MD apoiu deklarasaun prezidenti

Ministru Defeza no Ministru Interior Interinu, Filomeno Paixão de Jesus hatete nia apoiu deklarasaun Prezidenti Repúblika nebe husu governu no parlamentu halo lei hodi reativa arte masrsiais, sai hanesan desportu Timor Leste.

“Prezidenti nia hanoin mak ne’e diakliu reativa fali, ita bele dehan legaliza fali sira hotu normaliza fali sira nia atividade, maibe kria fali regulamentu, kria normas para bele regula sira nia lalaok i sira lao tuir asaun normal, asaun desportu, asaun de artes nia naran deit, arte ne’e seni portantu sira halo parte iha desportu halo aprezentasaun iha fatin-fatin sira bele kompete to’o ASEAN, maibe labele inklui krimi iha laran,” dehan Filomeno Paixão.

Governante nee konkorda tenke kria regulamentu ida própriu no rigorizu hodi regula sira nian lala’ok wa’inhira rejista ona hanesan organizasaun desportu ida.

Filomeno Paixão aprofunda katak razaun reativa arte marsiais  ne’ebé taka hanesan PSHT, KORK no Ikatan Kera Sakti(IKS) ne’e atu labele kria tan fila fali krime. Sé karik mosu fali krime tenke ba hatán tuir lei no dalan justisa.

Antes ne’e, Prezidenti Repúblika Francisco Guterres Lú Olo ho Xefe Estadu Maior Jeneral F-FDTL, Maijor Jenerál Lere Anan Timur mós deklara ona katak órgaun ezekutivu no lejislativu, tenki halo lei hodi reativa Arte Marsiais ne’ebé Governu taka.

Rezolusaun Governu, numeru 16/2013, taka atividade Arte Marsiais, PSHT, KORKA no Ikatan Kera Sakti  iha Jullu 2013, tanba sempre involve-an no hamosu konflitu iha rai laran.

Antes atu hasai rezolusaun nee, Primeiru Ministru, Xanana Gusmão iha tempo neba organiza dialogu no halo juramentu arte marsiais no arte ritual iha CCD no juramentu ba membru F-FDTL no PNTL hamutuk 288 iha Palacio Governu oin iha Janeiru 2015.

Total Membru F-FDTL no PNTL 288 nee iha PSHT ema nain 145, IKS 88 no KORKA iha ema 55. Eus 


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker