GMN TV Justica e Segurança PM Taur orienta MD-MJ hamutuk kombate krime organizadu ■ PNTL husu ema hotu kontribui informasaun

PM Taur orienta MD-MJ hamutuk kombate krime organizadu ■ PNTL husu ema hotu kontribui informasaun

Primieru Ministru (PM), Taur Matan Ruak, fo ona orientasaun ba Ministeriu Defeza (MD) ho Ministeriu Justisa (MJ) atu servisu hamutuk hodi kombate krimi organizadu sira iha rai laran.
Ministru Justisa (MJ), Manuel Carceres da Costa, koalia lia hirak nee ba jornalista sira, Kinta (21/02) iha Palásiu Governu.
Governante ne’e dehan, Primeiru Ministru, Taur Matan Ruak, orienta ona sira atu tau aparellu Estadu nian hodi hafasil detekta ema sira ne’ebé komete krime organizadu.
Tuir Ministru Justisa katak , ikus-ikus ne’e volume krime iha kapital Dilí aumenta bebéik,nune’e ministeriu rua ne’e sei esforsu hodi servisu hamutuk hodi ajuda servisu intelejensia atu kontrola didiak komportamentu sidadaun sira nian.
“Ami hasoru malu ho Primeiru Ministru Taur Matan Ruak, koalia asuntu konaba volume kriminalidade ne’ebé ita hasoru bebéik ,no ami simu orientasaun husi PM katak, ministeriu 2 ne’e haree tok meius oinsa atu redus krime sira ne’ebé agora dadauk ita sente no haree liu-liu iha sidade kapital Dilí, no PM Taur Matan Ruak, husu ba ministru rua ne’e tau aparellu Estadu sira ne’ebé kontrola Defeza no seguransa para bele kontrola didiak komportamentu ita nia sidadaun sira nian”, dehan Ministru Justisa, Manuel Carceres da Costa, hafoin hasoru malu ho Primeiru Ministru .
Tuir planu Ministeriu Justisa ho Ministeriu Defeza no Interior sei reforsa ho lei ida konaba autor kriminalidade sira.
“PM husu MJ bele hatun PCIC atu ajuda ita nia servisu intelejensia sira halo servisu para depois ita bele detekta tok krime organizadu sira ne’e nia hun iha ne’ebé no ninia lalaok ne’e hala’o oinsa.Para depois ita bele la’o hamutuk redus tiha volume kriminalidade iha ita nia rai. Depois ita reforsa implementasaun de lei ho justu no lei ne’e ba ema hotu ,labele ba de’it ema balun no balun lei ne’e la kobre”, dehan Ministru Justisa.
Governante ne’e promete katak lei ne’e sei aplika ba ema hotu laos ba ema balun de’it, tamba ema hotu moris iha lei nia okos.
PNTL husu ema hotu kontribui informasaun
Nune’e mos, atu redus konflitu ne’ebé mak ikus-ikus ne’e akontese maka’as iha kapital Díli entre joven sira, Polísia Nasionál Timor-Leste (PNTL) husu ba komunidade kuandu haree problema ruma atu informa lalais atu nune’e Polísia bele halo intervensaun.

“Ha’u hanoin ida ne’e husu ema hotu nia kooperasaun, maske ita estabelese ona Polísiamentu Komunitaria, tanba Polísiamentu Komunitaria ema lubuk oan ida mak integra iha Konsellu Suku no mós ema sira ne’ebé inflesiadu katak, bele ajuda Ofisial Polísia Suku (OPS) bele resolve problema, maibe la siginifika sira mesak bele rezolve problema, presiza ema hotu nia kontribuisaun, wainhira iha problema ruma lalais informa ba iha ba iha Konsellu Polísiamentu Komunitaria ou ba OPS atu buka sulusaun hodi rezolve”,esplika Komandante Polísiamentu Komunitaria Superintendente António da Luz ba jornalista sira Kinta (21/02/19), hafoin partisipa enkontru ho Embaixadora Nova Zelandia,Vicki Poole, iha salaun Ministériu Defeza Fatuhada, Díli.

Nia dehan, sé kuandu akontese problema ruma mak laiha kooperasaun diak apoiu husi komunidade atu informa situasaun sira ne’e ba iha OPS ou ba Konsellu Polísiamentu Komunitaria oinsa mak atu buka sulusaun atu resolve. Seguransa ne’e iha ema hotu nia lima.

“Ita bele estabelese ita nia sistema OPS diak Konsellu Polísiamentu Komunitária iha Suku sira, maibe ita laiha kooperasaun diak ho sira oinsa mak ita bele ajuda sira rezolve problema, buat sira hotu presiza ema hotu nia tulun no kooperasaun oinsa mak apoiu hodi halo prevensaun ba problema sira ne’e”,dehan António da Luz.tos/avi


Banner

Foto

Notisia Ikus

Portu Díli sei transforma ba zona turístika

July 30, 2021
Primeiru Ministru (PM) Taur Matan Ruak, hatete b...

PN ezije Governu responde povu nia halerik durante pandemia

July 30, 2021
Reprezentante povu sira iha Parlamentu Nasionál...

PPN la admite kansela diskusaun lei EOJF

July 29, 2021
Prezidente Parlamentu Nasionál (PPN) Aniceto Gu...

Governu aplika SS iha munisípiu Ermera no Díli ba semana rua

July 29, 2021
Governu liu husi reniaun Konsellu Ministru, Kuar...

PPN Aniceto promete sei altera LPV antes mandatu remata

July 29, 2021
Prezidente Parlamentu Nasional (PPN), Aniceto Gu...
1 2 3 622

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker