GMN TV Justica e Segurança PN sei bolu MDS esplika fukun husi konflitu

PN sei bolu MDS esplika fukun husi konflitu

0 views

Parlamentu Nasionál(PN) sei bolu Ministru Defeza no Seguransa (MDS), hodi esplika fukun husi konflitu entre arte marsiais ne’ebé ikus-ikus ne’e hahú manas fali iha Munisípiu balu no kapital Díli,  maske artermarsiais ne’e, Governu taka tiha ona.

Deputada Josefa Pereira husi bankada FRETILIN hateten, hanesan reprezentante povu, nia senti preokupa tanba situasaun ne’ebé agora dadauk akontese ne’e, artermasiais sira komesa sunu povu  nia uma.

“Ajenda ne’ebé mak importante, so iha de’it ajenda ne’ebé mak kona ba situasaun actual agora dadaun, atravesa iha violasoens ba direitus humanus, ita haree ema sunu uma, oho malu, no limita ema nia sirkulasaun, buat sira ne’e hotu, nu’udar reprezentante povu, sei bolu Ministru kompetente atu bele iha audiensia ida ho nia”,relata Josefa Âlvares Pereira ba jornalista, hafoin enkontru líder bankada iha PN, Sesta(08/02/2019).

Deputada FRETILIN ne’e esklarese, iha mós ajenda balun hanesan petisaun husi sidadaun balun, ne’ebé sei suspende husi ajenda plenária ba semana oin nian, tanba bankada parlamentares seidauk haree konteudu husi petisaun refere.

Alende ne’e, Ministru Reforma Lejislativa  no Asuntu Parlamentares, Fidelis Magalhães esklarese, nu’udar reprezentante VIII Governu konstitusionál iha PN, sei lori hikas preokupasaun reprezentante povu nian ba ezekutivu sira, hodi bele fó resposta, liu husi karta ou audiensia públiku.

“Ministru sira responde ho hakerek, buat hirak ne’ebé mak deputadu sira levanta, iha mós sesoens ne’ebé membru Governu sira mai, hanesan iha semana hirak liu ba, Ministru Transporte mai esplika kona ba aviasaun, iha mós ministériu seluk halo esplikasaun rasik, buat barak mak Governu rejista, tanba buat barak mak Governu atu hadía, maibé ida ne’e mós ami informa ba PN katak, iha tempu oin mai Governu sei finaliza, la’os buat hotu mak ita levanta ohin, ohin kedas bele hetan solusaun, buat levanta ohin Governu rejista, lori no halo esforsu hotu atu bele ezekuta hodi atinji rezultadu ne’ebé ita hakarak”, katak Fidelis.

Governante ne’e argumenta liu tan, VIII Governu sei esforsu no rejista  nafatin atu bele responde preokupasaun povu nian, ne’ebé transmite husi deputadu sira iha uma fukun Parlamentu Nasionál, liuhosi sesaun plenária kada semana, maske neneik no nakonu ho difikuldade.say


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker