GMN TV Justica e Segurança AIFAESA deteta PERISOS komete infrasaun

AIFAESA deteta PERISOS komete infrasaun

0 views

Autoridade Inspesaun no Fiskalizasaun ba Atividade Ekonomia Sanitária no Alimentar (AIFAESA) halo ona prosesu ba kompaña PERISOS, tanba komete infrasaun liu-liu fa’an produtu ne’ebé liu prazu.

Kordenador AIFAESA, Abilio Oliveira Sereno, hateten, AIFAESA halo ona inspesaun ba empreza PERISOS, relasiona ho masin-midar ne’ebé liu ona prazu, maibé sira husi kompañia ne’e troka fali saku foun, hodi halo distribuisaun ba loja sira.

“Masin-midar ne’ebé AIFAESA uluk halo inspesaun tanba liu prazu, ami laiha armajen tau hamutuk iha fatin ida ami sela tiha, tuir lei kuandu sela ona, labele bo’ok só ami mak bele bo’ok hodi foti ba so’e halo diskrisaun, ami halo selajen de’it iha ármajen, ami ba haree produtu ne’ebé selajen ne’e kahur tiha foti balun ba fa’an fali ne’e mak operasaun AIFAESA nian detekta”, hateten, kordenador AIFAESA, Abilio Oliveira Sereno, ba GMN iha nia knaar fatin Matadoru, Segunda (10/02/2020).

Kordenadór AIFAESA ne’e konsidera, komportamentu ne’e hanesan krime infrasaun, tanba ne’e sira sei  haruka kazu ne’e ba iha Ministériu Públiku (MP), hodi halo prosesu investigasaun tuir dalan legal nian.

AIFAESA mós sei fó sansaun ba kompañia ne’e hodi sei selu multa, tanba kontra ona dekretu lei 23.

Abilio Oliveira Sereno akresenta tan, tuir dekretu lei ne’ebé regula, bainhira kompañia no loja sira fa’an sasán liu prazu, sei selu multa husi rihun ida USD 1.000, to’o rihun lima USD 5.000.Ina

 


Banner

Foto

Notisia Ikus

Governu sei distribui meza-kadeira ba eskola sira iha territóriu nasionál

May 16, 2022
Governu liuhosi Ministériu Edukasaun Juventude ...

RI-TL konkorda diskute uluk fronteira terrestre

May 16, 2022
Embaixadór Repúblika Indonézia (RI), Okto Dor...

Xanana: Horta sai PR ne’e povu nia vitória

May 16, 2022
Prezidente Partidu CNRT, Kay Rala Xanana Gusmão...

PN haruka Proposta-Lei OR ba PR Lú Olo

May 13, 2022
Parlamentu Nasionál (PN), haruka Proposta-Lei O...

PR eleitu sei deklara TL prontu adopta DFU

May 13, 2022
Prezidente Repúblika (PR) eleitu, José Ramos H...
1 2 3 726

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker