GMN TV Justica e Segurança Durante iha funu laran, Lere: Xanana Gusmão terus liu ami

Durante iha funu laran, Lere: Xanana Gusmão terus liu ami

0 views

Xefi Estadu  Maior Jeneral F-FDTL, Major Jeneral Lere Anan Timur, hatete, veteranu sira ne’ebé partisipa iha funu libertasaun nasionál tinan 24 iha ai-laran ne’e terus, maibé  Kay Rala Xanana Gusmão mak terus liu hotu.

“Foin dadauk ha’u mós envolve ho líder sira, ha’u ne’e sira hatete  ha’u kumpri deit, agora situasaun oin seluk ita hotu iha preokupasaun no responsabilidade ba vida nasaun, vida moris ita nia povu nian, maun Xanana sei la mai hanoin  katak depende, ha’u labele obriga, tanba nia mós líder ida, nia la’os labarik ida, maun Xanana dehan nia partisipasaun  mínimu iha funu, ha’u triste kuandu nia ko’alia ida ne’e, ha’u bele dehan katak, ha’u 24 anos iha ai laran ho ha’u nia maluk seluk, ami terus iha ai-laran, maibe Xanana  ne’e terus liu ami”, haktuir Lere Anan Timur ba Jornalista sira, Kuarta (12/02/2020) iha Palásiu Prezidensial Bairo Pité, Díli.

Major Jeneral  ne’e akresenta, iha tempu inimigu kaer Xanana, aktu saida de’it mak tropa Indonézia sira la halo ba Xanana, maibé Xanana sei forsa to’o ohin loron.

 “Ha’u triste kuandu nia dehan mínimu partisipasaun no kontribuisaun ba iha funu ba libertasaun nasionál, iha reuniaun mós ha’u tau kestaun beibeik, maun Xanana laiha oin, maun Xanan pudia iha enkontru ne’e, tanba ferik ida ne’ebé uluk subar nia, nia moras tau iha bote laran mak lori, tanba  tau netik kestaun moral, imi ne’ebé la lori imi-nia família ba ai-laran ne’e agradese ba ami lori ami-nia família, labele agradese ba ami iha ai-laran, maibé agradese ba vila sira ne’ebé fó obrigadu no agradese tanba bele aseita ita-nia oan osan mean ba ai-laran no fó apoiu, inves ha’u mak mate nia mak mate fali, ida ne’e kestaun moral”, Subliña Lere.

Alende ne’e, Lere fó konfiansa ba líder nain hira, liu-liu Ramos Horta, Xanana Gusmão, Marí Alkatiri ne’ebé uluk naran iha oin, ne’ebé FALINTIL sira iha ai-laran kontinua funu to’o mate deit, FALINTIL ne’ebé distinu naruk mak  moris to’o agora.

“Imi nain tolu ne’e labele haketak malu, imi nain 3 tenki kompleta ba malu. Maun Xanana ema ida ne’ebé trasa estratejia, maun Marí Alkatiri ema jestor no polítiku, jere buat ne’ebé Xanana halo estratejia ne’e, maun Ramos Horta ema diplomata, manan simpatia mundu tomak ninian, hodi apoiu ita, ne’e la difisil ida. Maibé imi nain 3 ketak-ketak la hatene, mas  ha’u bele dehan katak, situasaun kalma, maibé karik ema ruma  iha kotuk mak provoka situasaun hirak ne’e”, tenik Lere Anan Timur.oly


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker