GMN TV Justica e Segurança Hakerek naran Xanana iha fatin públiku, Lere konsidera hamanas situasaun rai-laran

Hakerek naran Xanana iha fatin públiku, Lere konsidera hamanas situasaun rai-laran

0 views

Xefi Estadu Maior Jeneral Falintil Forsa Defeza Timor Leste (F-FDTL) Majór Jeneral Lere Anan Timur hatete, Autor deskoñesidu ne’ebé hakerek líder rezistensia Xanana Gusmão nia naran “Viva Xanana” iha didin lolon fatin públiku ne’e, hanesan hamanas deit situasaun impase polítiku, ne’ebé loa’o iha rai laran.

“Uluk ne’e  naran ne’e la iha, kampaña sira ne’e naran iha, ikus mai situasaun polítika ne’ebé manas hanesan ne’e mak derepenti maun bo’ot mosu lemo-lemo iha fatin-fatin, entaun ida ne’e tuir ami-nia analize, ne’e hanesan ajitasaun ida, ema hakarak hamanas situasaun, mas hanoin katak ita nia Polisia Nasional ita nia F-FDTL matan mos nafatin sei buka tuir se mak halo buat sira ne’e”, deklara Lere Anan Timur ba Jornalista sira Kuarta (19/02/2020), hafoin informa situasaun seguransa rai laran ba Prezidenti Repúblika, Francisco Guterres Lú Olo, iha Palásiu Prezidensial Nicolau Lobato Bairo Pité Díli.

Lere afirma, hanesan nia dehan antes ona, grupu kiik ida sempre hakarak instabiliza soberani Estadu Timor-Leste no independensia ida ne’e, maibé F-FDTL no PNTL sei la fó fatin.

 “Ha’u hanoin katak, ba Públiku ba Joven no povu Timor tomak, naran Xanana ne’e la’os foin mak mosu, naran Xanana ne’e koñesidu  internasionalmente, no koñesidu nasionalmente. Uluk 1975 funu mosu, Xanana nia mosu tiha ona, mai ha’u hanoin katak, ema ne’ebé hakerek lemo-lemo ne’e nia hakarak no intensaun ne’e saida? mas maun Xanana hanesan Maun Ramos Horta, Marí Alkatiri sira ne’e líder istóriku, líder sira ne’ebé  komanda ita-nia funu to’o  funu hotu, lalika hakerek sira-nia naran para  ema koñese, tanba ema koñese tiha ona”, tenik Lere.

Alende ne’e, Prezidente Parlamentu Nasional, Arão Noe de Jesus Amaral akresenta, dalaruma ema balun ho emosaun halo aktu ne’e, maibé tuir lolos buatu ne’e  ladun diak, tanba estraga edifísiu públiku sira iha ne’eba.

“Bele ho inetsaun diak, mas uza fali fasilidade públiku estraga fatin sira ne’e , ita hakarak dada turista ema barak mai, haree ba situasaun la diak, nune’e  ha’u husu ba populasaun sira ne’ebé  hanoin hanesan, karik diak liu espresaun sira ne’e labele hatudu liu husi hakerek iha estrada ninin bele estraga fali ita-nia paizajen”,fundamenta Arão.oly

 

 


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker