GMN TV Justica e Segurança Horta: Ema hotu tenke fó apoiu ba haforti servisu KAK

Horta: Ema hotu tenke fó apoiu ba haforti servisu KAK

0 views

Eis Prezidente Repúblika, José Ramos Horta, Tersa (11/02/2020), vizita kortezia edifisisiu Komisaun Anti Korupsaun (KAK), iha Farol-Díli, hodi fó apoiu moral ba servisu KAK nian.

Ramos Horta esplika tanba servisu KAK nian la’os mak halo konkluzaun final ba kazu ida maibé, KAK mak halo investigasaun tamba, KAK lahalo akuzasaun, tamba ne’e servisu ne’ebé mak, KAK halo servisu di’ak.

No presija fó konfiansa bo’ot ba komisariu KAK, no sira presija hotu-hotu nia apoiu, atu nune’e sira nia servisu bele forti liutan, ba Estadu Demokratiku ida ne’e.

“Vizita kortezia laiha asuntu konkretu atu koalia, ha’u mai rona no akompañamentu servisu KAK nian, kontribui atu nune’e, ita nia Estadu Demokratiku ba Boa-Governasaun,  ha’u desde uluk nu’udar Prezidente Repúblika, ha’u apoiu KAK nia servisu tamba, KAK hanesan Defensor Públiku, ema ne’ebé mak ha’u admira, tamba, servisu ho difikuldade no integridade, tamba ne’e, ha’u mai fó apoiu moral no akompaña sira halo saida, progresu lubuk ida mak halo ona no investigasaun halo parseria ho Prokurador Jeral Repúblika”, hateten, José Ramos Horta.

Iha fatin hanesan, Komisariu KAK Sergio Hornai hateten, KAK presija apoiu husi Lider Nasionál sira, liu husi hanoin ne’ebé mak midar no moruk,tamba papel KAK importante tebes.

Sergio Hornai aprofunda liutan katak, KAK hanesan Instituisaun Estadu presija nafatin apoiu, mai husi ita nia lider sira, liu husi sira nia hanoin midar no moruk, ba servisu instituisaun Estadu nian, relativamente ba iha KAK.

Ne’ebé nia papel importante ne’ebé halo servisu parseria metin ho Prokurador Jeral Repúblika, iha parte investigasaun ba krimi sira ne’ebé mak iha natureza korupsaun nian, tamba ne’e KAK presija iha kontaktu no halo dialogo ida ne’ebé permanente. Atu nune’e forma ita nia konsensiu re-lativamente ba vizaun Estadu nian.

“Hanesan Estadu de direitu no demokratiku ita presiza troka hanoin sira ne’e, tamba ne’e, vizita husi eis Prezidente Repúblika Ramos Horta importante, hodi hanoin ba oin kona-ba polítika kriminalidade nian, ba seitor justisa enjeral, espesialmente KAK nian ba oin oinsa, nune’e mos ba iha area polítika prevensaun kriminalidade, atu nune’e labele iha sobre pozisaun servisu ida ba servisu seluk,” akresenta, Sergio Hornai.Cin


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker