GMN TV Justica e Segurança Konfrontu iha Hera, Motor rua hetan sunu no detein suspeitu na’in sia

Konfrontu iha Hera, Motor rua hetan sunu no detein suspeitu na’in sia

0 views

Konfrontu  entre  joven sira iha  Aldeia Hali-Dolar Suku Hera, motorizada  rua (Beat Street ho Vixion ) hetan sunu,  no Polísia Nasionál Timor-Leste (PNTL) detein ona suspeitu na’in sia.

Kazu  ne’e akontese Kinta (27/02/20)  mais ou menus tuku sanulu resin dadér-san iha Aldeia Hali-Dolar, Suku Hera, Postu Administrátivu Kristu-Rei, munisípiu Díli.

Wainhira problema  ne’e tiha PNTL to’o iha fatin akontesimentu hodi  halo kaptura ema nain sia lori mai detein iha sela detensaun Eskuadra Kristu-Rei hodi submete ba prosesu investigasaun.

 Iha akontesimentu  rezulta  kios ida hetan estragus no PNTL prende  motorizada tolu husi suspeitu sira inklui atributu artemarsiál.

Xefe Suku  Hera  Antónino   da Silva  hateten, kazu ne’e akontese hafoin suspeitu sira akompaña mate-isin ida husi Díli ba parte Leste,  liu tiha  mak suspeitu  sira fila-fali mak  halo asaltu malu.

“Ha’u  lamenta tebes  tanba  situasaun ida ne’e la’os foin akontese, maibé akontese ona ba dala haat querdizer  ha’u haree Hera ne’e hanesan sai fali lahan (fatin) ba problema. Tanba  ne’e mak ami izije  ba   komando PNTL  munisípiu Díli atu tau mós postu iha  kruzamentu Hali-Dolar, tanba  bairu ida ne’e sempre akontese hela de’it  problema”, esplika Xefe Suku  Hera,  Antónino   da Silva,  ba  GMN iha Hali-Dolar Hera.

Suspeitu ne’ebé mak envolve iha kazu krime  ne’e, deskonfia envolve  iha grupu artemarsiál  ne’ebé mak  foin lalalis Governu liu husi reniaun Konsellu Ministru  reativa.

Iha akontesimentu ne’e membru F-FDTL mós  to’o iha fatin akontesimentu hodi garante seguransa ba komunidade.avi


Banner

Foto

Notisia Ikus

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker