GMN TV Justica e Segurança Konfrontu iha Laga, rezulta ema nain haat kanek todan ■PNTL detein ona autór prinisipál

Konfrontu iha Laga, rezulta ema nain haat kanek todan ■PNTL detein ona autór prinisipál

0 views

Konfrontu iha postu administrativu Laga entre  joven sira, rezulta ema nain haat kanek inklui suspeitu kanek todan.

Iha akontesimentu  ne’e, PNTL detein ona autór  prinsipál  no dadauk  ne’e hala’o  tratamentu intensivu iha hospital referénsia munisipal Baucau.

Tuir informasaun husi Polísia,  kazu  ne’e akontese iha Sábadu (01/02/20) iha Suku Tecnomata postu administrativu  Laga,  munisípiu Baucau.

Kazu ne’e akontese tanba deskonfia  joven balun husi Suku Namanei  ba halo asaltu  joven sira iha Tekinomata hodi rezulta  ema nain hat kanek.

Komandante Jerál PNTL Komisáriu Faustino da Costa rekoñese akontesimentu iha Suku Tecnomata   joven balun   husi Suku seluk mak ba asaltu , iha seremonia  hader aifunan.

“Ha’u bele dehan ema nain hat mak kanek   nain tolu  husi ema Tecnomata rasik, oras ne’e ida mak todan oituan  tratamentu iha Hospital , mas  sira  husi asaltu ne’e ita sei akompaña hela  husi Polísia, agora  dadauk iha hospital todan oituan. Ita orienta Polísia asegura   iha fatin akontesimentu,  nune’e haree liu-liu ba autór sira  ne’ebé mak halo problema balun komesa halai ses hela. Autór prinsipal ne’e mak agora dadauk iha Hospital hela”,esplika  Komandante Jerál PNTL Komisáriu Faustino da Costa,  ba jornalista sira  Segunda (03/02/20) iha Kuartel Jerál PNTL Caicoli Díli.

Faustino da Costa dehan, husi akontesimentu  ne’e, PNTL identifika ona suspeitu sira nia naran,  ne’ebé mak tenta subar a’an  husi Polísia.

Maske  ho akontesimentu hirak  ne’e, maibé komisáriu  ne’e dehan la afeta ba seguransa estabilidade iha munisípiu Baucau tomak. Xefe Suku Teconomata Xefe Suku Teconomata Ciprino Arlindo Ximenes  hateten, kazu  ne’e akontese, bainhira joven sira husi Suku Namanei  halo movimentu  iha estrada, hafoin sira tama  ba  iha fatin seremonia hader aifunan, hodi  tá kanek vítima Delfin Ximenes ho nia oan  mane Juvinal Ximenes kanek todan.

Iha akontesimentu ne’e, joven ida ulun kanek, tanba  hetan tuda husi suspeitu sira.

Ho akontesimentu ne’e, halo komunidade sira pániku, no Xefe Suku ne’e husu ba autoridade seguransa atu kaptura hotu suspeitu sira ne’ebé mak involve iha kazu refere.

“Atu informa kazu  ne’e akontese iha Aldeia Samagia Suku Teconomata, wainhira vítima sira partisipa hela hader aifunan moruk iha mate uma ida, derepenti joven sira husi Suku Namanei halo movimentu liu husi dala públiku derepenti  para iha fatin refere, iha fatin seremonia hader aifunan ne’e, derepenti sira tama ba iha uma laran  hodi asalta malu no tuda malu  konsege tá ha’u nia komunidade naran Delfin Ximenes kanek todan, tá husi suspeitu ida ho inisial J ho nia kolega nain 8  hanesan ne’e”,dehan  Ciprino Arlindo Ximenes.

Alende ne’e  tuir informasaun husi Polísia,  kazu konfrontu ne’e akontese  deskonfia problema odio malu entre eis grupu artemarsiál ne’ebé mak governu taka ona.avi


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker