GMN TV Justica e Segurança Ofisial PNTL nain 4 partisipa misaun paz iha Sudaun Sul

Ofisial PNTL nain 4 partisipa misaun paz iha Sudaun Sul

0 views

Ofisiál Polísia Nasional Timor-Leste (PNTL) nain haat reprezenta  Timor-Leste, partisipa misaun  paz Organizasaun Nasaun Unida (ONU)   iha Repúblika Sudaun Sul.

Ofisiais nain haat  ne’e mak hanesan Inspetór Xefe Mouzinho Correia, Inspetór  Xefe Maria Fátima,  Sarjentu  Xefe Ofelino  Pereira, Sarjentu Xefe  Santos.

Ofisiais  nain haat  ne’e Komando  Jerál PNTL ofisialmente hala’o despedida  ba sira, hodi aranka ba Sudaun Sul, Tersa (04/02/20).

 Komandante Jerál PNTL Komisáriu Faustino da Costa, hateten, ofisiais nain haat ne’e ba hala’o misaun paz ONU, tanba bazeia ba rezolusaun ONU númeru 2403, tinan  2015.

Faustino  akresenta, kna’ar ne’ebé mak ofisiais sira sei hala’o iha Sudaun Sul  mak atu halo protesaun ba ema sivil sira no   halo  investigasaun  ba kazu  violasaun dereitu umanu iha Sudaun Sul,

Alénde ne’e kria mekanismu no  sistema  ne’ebé mak diak oinsá atu suporta  nomós halo distribuisaun apoiu umanitária ba komunidade, iha Sudaun Sul.

Tanba  ne’e, Komisáriu ne’e  husu ba  ofisiais nain haat ne’e atu hatudu disiplina  iha ema nia rai tanba ofisiais  nain haat Timor-Leste.

“Ohin ita halo preparasaun deslokasaun tan ba membru nain haat tan  atu ba partisipa  iha misaun ida  iha Kontinente Afrika ninian  mak Sudaun Sul”.

Partisipasaun membru PNTL ba iha misaun ida ne’e, tanba  ONU hasai rezulusaun númeru 2403  2015  hodi fó dalan  katak, Sudaun do Sul  presiza  intervensaun husi ONU  mais sete mil ita militares  nomós kuaze  dois mil tal Polísia”,esplika Komandante Jerál PNTL Komisáriu Faustino da Costa  ba jornalista sira Tersa (04/02/20), iha salaun enkontru  Kuartel Jerál PNTL Díli.

Líder m’asimu instituisaun PNTL ne’e dehan, xavi involvimentu no konfiánsa  tantu governu ONU nian, primeiru depende ba imi nain hat, bainhira imi nain hat senti iha responsabilidade, la’os responsabilidade instituisionál ne’e de’it, maibé hanesan sidadaun Timor oan  imi nain hat iha responsabilidade bo’ot ida  atu hatúr bandera Timor-Leste nian  iha fatin ne’ebé a’as.

“Ita  boot sira sei  hamutuk ho nasaun 17 sira seluk  ho Komisáriu UNPOL ha’u koñese diak tebes ho nia deputi komisáriu”,dehan Faustino da Costa.

Faustino da Costa akresenta, baihira imi  nain haat tau ona lema ONU ho bandeira ONU nian, imi nain haat  membru Nasaun Unida Unida, signifika imi ténki kumpri regra saída  no prosedimentu ne’ebé Nasaun Unida halo.

Iha fatin membru UNPOL  Inspetór  Xefe  Mouzinho Correia, senti kna’ar ba sira nain haat, hanesan responsabilidade  bo’ot ida, atu lori Timor-Leste nia naran  no PNTL nia naran  hodi hatudu ba   mundu tomak.

 “Núdar membru PNTL nomós Timor oan  ha’u senti responsabildiade boot ida ne’ebé mak fó baa mi nain hat, atu lori Timor-Leste nia naran  no PNTL nia naran ba iha mundu tomak”,dehan Mouzinho Correia.

Alénde ne’e  iha tinan 2005 membru PNTL  nain 10 partisipa iha misaun paz ninian  iha Cosovo,  no iha tinan 2006, membru PNTL nain lima.

Nasaun Sudaun Sul fronteira ho nasaun Ethiopia iha parte Leste; KenyaUganda, no Repúblika Demokrátika Kongo iha parte Sul; Repúblika Áfrika Sentral, iha parte Oeste; no Sudaun iha parte Norte.avi

 


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker