GMN TV Justica e Segurança PDHJ: PNTL komete kazu violasaun direitu umanu hamutuk tolu

PDHJ: PNTL komete kazu violasaun direitu umanu hamutuk tolu

Provedor Interinu Miguel Pereira hateten, Provedoria Direitus Humanus no Justisa (PDHJ), públika relatoriu final no rekomendasaun sujestaun tinan 2020, PDHJ rejista kazu violasaun direitus umanu, ne’ebé komete husi membru Polísia Nasionál Timor-Leste (PNTL) hamutuk tolu.

Bazeia ba lei númeru 7/2004 ne’ebé regula estatutu Provedoria Direitus Umanus no Justisa (PDHJ), no iha artigu 23 kona-ba investigasaun Direitus Umanus fundamentais, libedade no garantia sira, abuzu podér, administrasaun la diak, igualidade, injustisa, hodi manifesta no ausensia prosesu ida ne’ebé justu no eqativu.

“Husi keixa sia ne’ebé mak iha violasaun direitus humanus, no boa governasaun, iha keixa lima mak husi violasaun direitus humanus, no iha kazu tolu mak hetan violasaun diretus humanus husi membru PNTL, akontese barak liu relasiona ho violasaun direitus umanu iha Baucau, Lautem, no violasaun direitus umanus intergridade fízikú, ba sidadaun sira iha postu Maubara”, hateten, provedor Interinu, Miguel Pereira, iha Salaun Biblioteka PDHJ, Kinta (13/02/2020).

Miguel esplika kazu iha Maubara, iha kalan PNTL halo patroliamentu iha tuku 12 kalan, hetan joven sira ne’ebé mak partensia ba grupu arte marsiais iha dalan, kaer no ba detein iha sela PNTL halo mós agresaun fíziku ba sira, no investigador konklui katak, akontese violasaun direitus humanus direitu ba integridade, liberdade no agresaun fíziku ba sidadaun sira.

PDHJ, iha rekomendasaun ba PNTL atu reforsa kapasidade PNTL, no aumenta formasaun iha area direitus umanus, no bainhira atu halo atuasaun bazeia ba regras uzus de forsa ne’ebé mak iha, tamba dala barak la tuir regras ne’ebé vigora ona.

Iha fatin hanesan, hatan ba preokupasaun ne’e, Superintendente Xefi Polisia, Carlos Almeida rekoñese atetude ne’ebé mak halo husi membru PNTL ba komunidade sira, tamba ne’e PNTL halo hela esforsu, hodi hatun kazu violasaun direitus umanus.

“Iha Estadu Direitu Demokrtiku ne’ebé ita hotu hala’o kna’ar, presija respeita ba lei ho ida ne’e akompañamentu hirak ne’ebé husi PDHJ halo, ne’e diak tebes hodi ajuda instituisaun seguransa sira no institusaun Estadu, halo servisu tuir regras ne’ebé vigora iha TL, ha’u atu hateten de’it katak  rekomendasaun husi PDHJ, hato’o ba PNTL ami sei haree, no PNTL iha departamentu ida ne’ebé tutela ba parte justisa nian  no rekomendasaun hirak ne’e sira mak sei kaer”, subliña Carlos.

Carlos informa katak, kazu ne’ebé mak akontese iha 2018 hamutuk kazu violasaun 19, nune’e mos iha 2019 rejista kazu violasaun 17, kazu hirak ne’e loke hela prosesu no kazu ne’ebé mak sita husi PDHJ, komando jeral rona informasaun kona-ba kazu iha Maubara no despaixa ekipa ida tun ba terenu hodi halo prosesu pre-eliminariu balun, hafoin hotu mak foin loke prosesu disiplinar, no kazu iha Baucau halo prosesu abreviguasaun ida no sei hato’o mai komando jeral, hodi loke prosesu disiplinar.

“Tamba  violasaun  barak liu akontese iha PNTL hamutuk kazu 39, ne’ebé hetan keixa husi komunidade, PNTL halo hela esforsu hodi hatun kazu violasaun direitus umanus, no presija formasaun atu nune’e PNTL hotu bele intende didiak kona-ba kazu violasaun direitus humanus”, nia akresenta

PDHJ rejista rekomendasaun ba iha ministeriu relevante sira hamutuk 105 sujestaun 14, no rekomendasaun barak liu mak deriji ba PNTL hamutuk 35.Cin


Banner

Foto

Notisia Ikus

Portu Díli sei transforma ba zona turístika

July 30, 2021
Primeiru Ministru (PM) Taur Matan Ruak, hatete b...

PN ezije Governu responde povu nia halerik durante pandemia

July 30, 2021
Reprezentante povu sira iha Parlamentu Nasionál...

PPN la admite kansela diskusaun lei EOJF

July 29, 2021
Prezidente Parlamentu Nasionál (PPN) Aniceto Gu...

Governu aplika SS iha munisípiu Ermera no Díli ba semana rua

July 29, 2021
Governu liu husi reniaun Konsellu Ministru, Kuar...

PPN Aniceto promete sei altera LPV antes mandatu remata

July 29, 2021
Prezidente Parlamentu Nasional (PPN), Aniceto Gu...
1 2 3 622

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker