GMN TV Justica e Segurança PGR fó pose ba Prokuradór na’in 5 ho kategoria terceira classe

PGR fó pose ba Prokuradór na’in 5 ho kategoria terceira classe

Atu reforsa servisu setór justisa no garante justisa ba sidadaun hotu ho dignu, iha Sesta (14/2) ne’e, Procuradoria Geral da República (PGR) fó pose ba ninia Prokuradór na’in lima (5).

“Atu reforma mentalidade ema ida-idak ni’an tenke ser fó kondisaun dígnu para nia hala’o ninia kna’ar, kondisaun ne’e uitoan de’it, mak ita-nia ezijénsia mak barak liu fali ita nia kbi’it, mak ita la halo reforma, maibé ita hanehan operadór judisiál sira, tanba ne’e, mak kna’ar boot Governu ni’an mak providénsia rekursu nato’on ba ita boot sira no ba Ministériu Públiku (MP), Tribunál sira para bele hala’o ita boot sira-nia kna’ar, ho ida ne’e, sei sai justísa ida kualidade, justísa satisfatória ne’ebé bele satisfaz ita-nia sidadaun sira nia ezijénsia”, Ministru Justisa (MJ), Manuel Cárceres ba jornalista sira hafoin partisipa serimónia toma pose ne’e, iha salaun enkontru PGR, Colmera-Díli, Sesta (14-02-2020).

Husi sorin seluk, Procurador Geral da República, José da Costa Ximenes informa, ho prosesu krime ne’ebé kada tinan sempre amenta, parte prokuradoria deside hodi nomeia tan Prokuradór foun, atu reforsa servisu PGR ni’an, nune’e bele minimiza prosesu krime iha rai-laran.

“Konsellu deside ida ne’e, tanba haree ba volume de servisu ezije PGR Distritál de Díli, iha ne’e tinan kotuk 2018 totál 2700 prosesu mak tama, tinan 2019 tama 2900, entaun ita taka ita-nia esforsu hotu-hotu hodi amenta kuadru ida ne’e. Ha’u kontente wainhira sira iha mudansa ne’ebé boot teb-tebes, ha’u fiar sira na’in 5 nia prezensa, MP ba oin la’ós de’it ona halo servisu ne’ebé la-lais, maibé mós bele fó garante kualidade intervensaun MP ni’an iha Tribunál sira”, tenik José.

Emposadu na’in 5 ne’e hanesan, Claúdio do Rosário, Nelson José Soares, Rafael Jerónimo, Júlio da Silva Correia no Simeão Brito Seixas, hetan formasaun teórika iha Sentru Formasaun Jurídiku Caicoli no hala’o estájiu iha PGR durante tinan 1 fulan 6.

Antes ne’e, sira na’in 5 kolokadu ona iha Prokuradória Jerál Díli, Maliana, Viqueque, Suai no Ermera.

Enkuantu totál Prokuradór nasionál hamutuk 30 resin, konta ho Prokuradór foun. san

 


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker