GMN TV Capital PNTL hamoos ona letra iha moru-lolon

PNTL hamoos ona letra iha moru-lolon

Polísia Nasionál Timor-Leste (PNTL)  hahú hamoos naran  líder rezisténsia Kay Rala Xanana  Gusmão, ne’ebé mak  ema deskoñesidu hakerek iha moru-lolon sira iha Díli laran.

Naran sira ne’e  hamoos husi Polísia Eskuadra  Nain-Feto,  ne’ebé make ma hakerek iha área Bairu-dos  Grilos,  ne’ebé mak ema deskoñesidu hakerek iha moru lolon sira.

Maske  naran  letra sira balun hamoos ona,  husi  membru PNTL,  maibé Komandante Operasionál  Nasionál Superintendente  Xefe Pedro Belo hateten, PNTL sei buka tuir suspeitu sira ne’ebé mak hakerek  líder Kay Rala Xanana Gusmão  nia naran ne’e, hodi  bele submete ba  prosesu  investigasaun.

“Komando PNTL  buka tuir hela autór  ne’ebé mak halo foer iha moru lolon sira, nune’e mós, komando jerál ho sira Saneamentu sei halo limpeza hodi hamos naran sira ne’e, la’os de’it ba suaxelénsia Kay Rala Xanana nia naran de’it, mas ba naran sira sel-seluk  mós sei apaga hotu”,esplika Komandante Operasionál  Nasionál Superintendente  Xefe Pedro Belo, ba  jornalista sira Kuarta (19/02/20), iha Kuartel Jerál PNTL Díli.

Komandante ne’e akresenta,  bainhira kuandu Polísia identifika suspeitu sira ne’e, sei detein  hodi loke prosesu no  sei aplika multa.

Pedro Belo akresenta, tuir  planu aktividade limpeza  jerál ba  letra sira ne’e, sei realiza iha loron Sesta  (21/02/20) ne’ebé mak sei involve servisu Saneamentu munisípiu Díli.

Alende  naran Kay Rala Xanana Gusmão, la’os de’it  hakerek iha moru lolon  sira iha área  postu administrative Nain-Feto, maibé   naran  líder Kay Rala  Xanana Gusmão,  kuaze hakerek barak      iha kapital Díli.avi


Banner

Foto

Notisia Ikus

Variante Delta nafatin ameasa saúde públika, PR dekreta EE da-XVI

July 31, 2021
Xefe Estadu, Francisco Guterres Lú Olo, liu hos...

Velosidade internet lentu, AHDMTL husu MTK tau atensaun

July 31, 2021
Velosidade internet lentu ka neneik liu difikult...

Envolvimentu juventude iha ParPol importante

July 31, 2021
Envolvimentu  juventude iha aktividade Partidu ...

LH kestiona PN la envolve sosiedade sivíl iha diskusaun lei EOJF

July 31, 2021
Koordenadór La’o Hamutuk (LH), Celestino Gusm...

Governu aplika KO iha Ermera

July 31, 2021
Governu aplika ona Konfinamentu Obrigatóriu (KO...
1 2 3 623

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker