GMN TV Capital PTR laiha kompetensia hapara konstrusaun edifísiu foun TDD

PTR laiha kompetensia hapara konstrusaun edifísiu foun TDD

0 views

Prezidente Tribunál Rekursu (PTR), Deolindo dos Santos hatete, PTR laiha kompetensia atu foti desizaun hodi hapara konstrusaun ba edifisu Tribunál Distritál Díli (TDD), tuir Konsellu Kombatente Libertasaun Nasionál (KKLN) nia hakarak, tanba ne’e kompetensia governu nian.

“Ha’u tenke rekoñese katak, ne’e laos hau nia kompetensia, ida ne’e kompetensia governu nian entaun governu mak iha kompetensia tomak, atu pronunsia ou atribuisaun rai ne’e ba veteranu sira ou atu kontinua konstrusaun ba edifisiu TDD”,PTR, Deolindo dos Santos, hato’o asuntu ne’e ba Jornalista sira, Sesta (21/02/2020) hafoin enkontru ho KKLN iha Kaikoli, Díli.

Tuir nia, PTR nia kompetensia mak atu esplika ba parte KKLN sira mais tekniku, konaba inisiu prosesu ba supremu Tribunál nian iha tinan 2011 to’o 2017, ne’ebé kansela hodi komesa fali konstrusaun ba edifisu TDD iha tinan 2015 to’o 2019, ne’ebé konstrusaun lao hela.

“Ha’u esplika ba sira mais tekniku, tanba sa konstrusaun ba edifisu TDD kontinua lao tanba sei konsikuensia legál balun no sei efeitu bo’ot ba Estadu, bainhira hapara konstrusaun ba edifisu TDD ne’e rasik tanba sei iha ba Estadu” afirma Deolindo dos Santos.

Nia dehan, obra ba edifisiu TDD kontinua lao tanba labele hapara, sei bainhira hapara mak sei iha konsekuensia bo’ot tanba konsikuensia ne’ebé iha laos mai hau, ba veteranus sira no ba ita sira ne’ebé moris, maibé ba povu tomak no mós ba jerasaun foun sira ne’ebé mai.

“Bainhira ita la kumpri kontratu ne’ebé fó ba kompañia ne’ebé manan obra, mak Estadu tenke selu buat balun ne’ebé preve iha kontratu ba kompañia”.

Orgaun Judisiariu informa, orsamentu ba konstrusaun edifisu foun TDD, hamutuk dolar amerikanu miliaun 10 liu no ba fiskalizasaun miliaun 50 resin, ida ne’e signifika montante orsamentu ida bo’ot tebes, tanba ne’e total osan ne’ebé iha ita la kuidadu hodi foti desizaun ne’ebé prudente, mak sei fo implikasaun  ba Estadu rasik, ne’ebé ita labele ignora bainhira ita selebra ona kontratu.

Antes ne’e liu hosi komferensia imprensa, Sekretáriadu Task Forse, Veteranus Kombatentes Libertasaun Nasionál Asuntu Interese Nasionál, husu ba Ministériu Públiku (MP) atu hapara provizoriu konstrusaun ba edifisiu foun Tribunál Distritál Díli, iha Camping Phoenix eis DPR Kaikoli, tanba rai refere atu hari’i edifisiu Ministériu Asuntu Veteranu nian.

Ne’ebé antes ne’e hetan ona resposta pozitiva hosi Setimu governu ne’ebé lídera hosi eis Primeiru Ministru, Mari Alkatiri, no eis Ministra Justisa, Ãngela Carascalão, konaba rai refere atu hari’i edifisiu Ministériu Asuntu Veteranu.Fel


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker