GMN TV Justica e Segurança UE entrega reajente teste biolójiku-toxikolójia ba PCIC

UE entrega reajente teste biolójiku-toxikolójia ba PCIC

Atu fasilita servisu Polícia Científica Investigação Criminal (PCIC) ho kualidade no profisionál, iha Kinta (27/2) ne’e, União Europeia (UE), liu husi embaixada Portugál entrega reajente teste biolójiku no toxikolójia.

Ho nune’e, Diretór Nasionál PCIC, Vicente Fernando Brito, hato’o agradesimentu ba apoiu husi UE ne’e, tanba bele fasilita di’ak liu tan PCIC-nia servisu.

“Ohin serimónia entrega reajentes ne’ebé mak apropriadu ka destinadu ba iha realizasaun perísia ba iha área biolójia ho toxikolójia, ne’e kestaun mais tékniku. Toxikolójia nia proveitu ne’e ba liu oinsá mak ita-nia autoridade polísia bele deskobre ema nia rán, ba teste Deoxyribo Nucleic Acid (DNA) nune’e mós droga, liu-liu ba krime sira ne’ebé iha relasaun ho tráfiku estufa pasiente droga ni’an, ne’ebé mak sai preokupasaun ba ita nia país”, Diretór Nasionál PCIC ne’e hafoin partisipa iha termu de entrega ne’e iha edifísiu PCIC, Colmera-Díli, Kinta (27-02-2020).

Husi sorin seluk, Embaixadór Portugál iha Timor-Leste, José Pedro Machado, hateten, reajente ne’ebé iha hetan apoiu konsolidasaun husi estadu direitu, Paízes Afrikanu Língua Ofisiál Portugés (PALOP), nune’e bele tulun Estadu Timor-Leste, atu prevene krime organizadu no tráfiku droga.

“Isto também atravez do apoio na luta contra corrupção, na luta contra crime organizado, contra o branquemento capitais também contra o tráfico e droga”, tenik Embaixadór Portugál ne’e.

Xefe Laboratóriu PCIC, Monica Moniz, subliña, apoiu refere bele reforsa kapasidade laboratóriu PCIC, nune’e bele halo identifikasaun no ezame ba kazu omisídiu, na’ok, no mós identifikasaun ba produtu ne’ebé kontaminadu ho veneno.

Reajente hirak ne’e mak hanesan, Luminol, Basic yellow spray, Zaragatoa bucal no selu-seluk tan.

Entretantu kooperasaun UE ho PCIC, hahú kedas iha tinan 2015, hahú ho formasaun ba membru espesialista sientífika investigsaun kriminál no apoiu aparellu, hodi fasilita PCIC-nia servisu. san


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker