Komandante Unidade patrullmentu Fronteira (UPF) Superintendente João Belo, membru Unidade Patrullamentu Fronteira (UPF) sei uza kamera drone, hodi kontrola fronteira liu-liu movimentu ilegais.
João Belo hateten, dadauk membru UPF 30 tuir hela formasaun Díli, oinsá mak atu opera kamera drone.
Ho kamera drone ne’e bele ajuda limitasaun rekursu humanus ne’ebé mak UPF iha.
“ Menus rekursu humanus ne’e ita iha kada postu ita koloka ema minimu tebes, mas agora teknolojia no ita uza dron no CCTV, iha membru nain 30 mak tuir hela treinamentu atu uza drone, ami espera katak ho ekipamentu teknolojia ne’ebé mak iha bele ajuda limitasaun rekursu humanus ne’ebé mak iha”, esplika Komandante UPF Superintendente João Belo, ba jornalista sira Sesta (21/02/20) hafoin partisipa iha enseramentu kursu Ofisial Superiór iha salaun CNE Larigutu Caicoli Díli.
Dadauk ne’e membru UPF ne’ebé mak koloka iha fronteira no aéroportu Díli inklui Suai hamutuk atus hat resin no total postu tolu nulu.avi
