GMN TV Justica e Segurança Xefe Estadu husu PN aprova lalais LAK

Xefe Estadu husu PN aprova lalais LAK

0 views

Prezidente Repúblika (PR), Francisco Guterres Lú Olo, husu ba deputadu sira iha Parlamentu Nasionál (PN), atu aprova lalais Lei Anti Korrupsaun (LAK) hodi prevene no kombate korrupsaun iha Timor-Leste.

“Ha’u hakarak husu ba señor deputadu sira atu aprova lalais lei anti korupsaun, projetu lei anti korupsaun tama fali ona iha meja Parlamentu Nasional (PN) iha 9 de Jullu 2018, liu husi projetu lei ne’e deputadu sira propoen atu estabelese medidas foun atu halo prevensaun no oinsa kombate korupsaun”,afirma Xefe Estadu liu husi nia diskursu ba komemorasaun tinan 10  ezisténsia no funsionamentu Komisaun Anti Korrupsaun nian, Segunda (24/02/2020), iha  Salaun Ministériu Finansa Aitarak Laran Díli.

Lú Olo haktuir, projetu lei ne’e tama dala tolu ona iha Parlamentu Nasionál, no  hotu-hotu   hein katak, Parlamentu Nasionál sei aprova lei refere iha tempu badak, atu kompleta kodigu penál ho  medida espesiais, atu bele prevene no kombate korupsaun.

“Korupsaun ohin loron laos ona krime ida ne’ebé izoladu no individualizadu, nível korupsaun iha mundu aas tebes, globalizasaun teknolojia foun dezenvolvimentu aseleradu, fó oportunidade mós ba prátika krime foun ho rekursu  ba meius ne’ebé sufistikadu no violentu liu, tanba korupasaun manan dimensaun grave liu no bele iha impaktu negativu ne’ebé bo’ot liu, tanba opera ona iha nível ida transnasionál” realsa Lú Olo.

Xefe Estadu haktuir, korupsaun iha nível mundial,  iha mós implikasaun ba seguransa mundial, situasaun ida ne’e ezije kooperasaun entre rai sira liu husi monitorizasaun permanente ba risku sira UNCAC, liu husi artigu 5 hatu’ur mata dalan ba Estadu parte hotu-hotu atu ida idak dezenvolve nia etratejia nasionál hodi prevene no kombate korupsaun.

“Timor-Leste nu’udar Estadu parte United Nations Convention against Corruption (UNCAC) nian, iha obrigasaun atu dezenvolve polítika nasionál anti korupsaun hodi asegura ita-nia  Estadu demokratiku ho kultura ida ne’ebé forte hasoru korupsaun hanesan hatu’ur ona iha vizuan KAK nian”, tenik Lú Olo.oly


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker