GMN TV Justica e Segurança Coliati: F-FDTL la oho arbiru animal iha Bobonaro

Coliati: F-FDTL la oho arbiru animal iha Bobonaro

0 views

Xefe Estadu Maiór  FALINTIL Forsa Defeza Timor-Leste (F-FDTL), Koronel Calisto Santos Coliati, hateten, militar la oho komunidade nia animal arbiru iha Maliana, maibé karau na’in ho autoridade lokál mak haruka.

Relasiona  informasaun no fotografia  ne’ebé antes ne’e públika liu husi média sosiál katak, membru F-FDTL destakadu iha Tunubibi tiru mate komunidade  nia karau-vaka, iha área  Mauma Suma Ruma, Postu Administrátivu Maliana, Munisípiu Bobonaro.

Wainhira jornalista sira husu  tuir informasaun refere,  Xefe Estadu Maiór  F-FDTL Koronel  Calisto  Santos Coliati hateten, militár la oho  komunidade  nia animal,  Maibé  karau na’in ho natar na’in inklui autoridade lokal Maliana  ne’ebé mak antes ne’e  tuur hamutuk hodi husu militár hodi ba  oho  sira nia karau baka, tanba tama ema nia kintal.

“Militar la oho komunidade nia karau arbiru, iha ne’ebá karau nain, ho natar na’in  hamutuk ho autoridade lokal, ema tradisionais sira, sira mak mai tuur hamutuk mai husu militár atu ba oho sira ninia karau, ne’ebé mak estraga sira nia natar, tanba sira tau ona tara bandu katak, animal  ne’ebé  mak viola tenki hetan sansaun. Sansaun ne’e mak karau nain husu atu oho. Portantu ho ida ne’e  mak military sira  ba oho karau baka sira”, esplika Coliati, ba jornalista sira Tersa (23/02/2021), iha Fatuhada.

Colitati afirma, bainhira, komandante ne’ebé mak iha terrenu uza nia inisiátiva, kaer kilat  hodi tiru komunidade nia animal,  ne’e erru boot.  Tanba ne’e, presiza loke prosesu investigasaun.

 “Ida ne’e mak ha’u hateten katak, tanba laiha autorizasaun Komandante ne’ebé iha terrenu hola rasik ninia hola inisiátiva hodi uza kilat ho kartus hodi tiru karau ka saída de’it ida ne’e sala.  Ne’e erru, presiza halo prosesu tuir disiplina militár”, dehan.

Kazu tiru mate karau ne’e akontese loron sanulu resin hat fulan Fevereiru tinan 202i, mais ou menus tuku tolu loraik iha área Mau-Mali  Ritabou.avi

 


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker