GMN TV Justica e Segurança Xanana partisipa julgamentu ba eis padre Dasbach iha TDO

Xanana partisipa julgamentu ba eis padre Dasbach iha TDO

0 views

Tribunál Distritál Oecusse (TDO), Segunda (22/02), kontinua loke prosesu julgamentu kazu abuzu seksuál ba menóridade, ne’ebé deskonfia komete husi eis padre Richard Dasbach iha Uma-Mahon Topu-Honis Oecusse.

Eis padre Dasbach to’o iha Tribunál Distritál Oecusse, mais ou menus tuku 08 ho balun, no akompaña husi Komandante PNTL Rejiaun Administrativa Espesiál Oecusse Ambeno, Superintendente Xefe Mateus Assunção Mendes.

Alende ne’e, eis Prezidente Repúblika, Kay Rala Xanana Gusmão mós marka prezensa iha julgamentu ne’ebé hala’o iha Tribunál Oecusse ne’e.

Iha tinan 2020, bainhira julgamentu ba kazu eis padre ne’ebé hala’o iha Tribunál Distritál Díli (TDD) eis Primeiru-Ministru, Kay Rala Xanana Gusmão sai nu’udar sasin, husi Komisaun Justisa no Paz, Dioseze Díli nian.

Julgamentu ne’e rasik, tribunál desidi adia ba loron 23, fulan ne’e hodi kontinua rona deklarasaun arguidu nian, tanba julgamentu ne’e rasik sei halo maratona.

Kona-ba julgamentu maratona, Advogadu Privadu, Pedro Aparício, hateten, sira-nia parte antes ne’e la hetan informasaun kona-ba julgamentu maratona ne’e.

“Ami simu informasaun katak, julgamentu hala’o deit iha loron ohin, 22 Fevereiru, tanba ne’e la lori ami-nia roupa sira. Iha Díli, ami mós iha hela prosesu julgamentu barak ne’ebé marka hotu ona, tanba ne’e husu ba juiz atu tetu”,hateten Advogadu ne’e.

Audensia Julgamentu ne’e, prezide husi juíz koletivu, Hugo da Cruz Pui, Yudi Pamunkas no Evangelino Belo, no Ministériu Públiku reprezenta husi prokuradór Matias Soares no arguidu hetan asisténsia legal husi Advogadu Privadu, Pedro Aparício, Miguel Faria no Eusebio Guterres.san

 


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker