GMN TV Justica e Segurança Australia oferese embarkasaun rua ba VII governu

Australia oferese embarkasaun rua ba VII governu

0 views

Governu Australia oferese ona embarkasaun rua ba VII Governu hodi entrega ba iha Falintil Forsa Defeza Timor Leste (F-FDTL), área Komponente Naval.

Embarkasaun rua ne’ebé oferese husi governu Australia ne’e atu bele fasilita Forsa Defeza Timor Leste, Komponente Naval hodi hala’o kontrolu ba fronteira marítima Timor Leste nian, liu-liu iha área Kosta Sul tasi mane.

Maski nune’e, tuir Brigadeiru General Filomeno Paixão de Jesus esplika, embarkasaun rua ne’e sei hatun ba estadu maior no komponente naval hodi halo estudu atu bele hatene ró rua ne’e serve duni ba komponente naval atu uza ba kontrolu tasi mane ou la’e.

“Nia implikasaun mak agora ita tenki iha meius atu ita bele halo kontrolu ba marítima, imi hatene ona, ita nia VII governu simu ona embarkasaun rua husi Australia, horseik sira foin submete ba F-FDTL. Neste momentu ha’u sei hatun ró rua ne’e ba iha estadu maior para halo estadu hamutuk ho komponente naval. Sé ró rua ne’e serve duni ba tasi mane ka la’e, i depois husi ne’ebá mak ami sei lori rezultadu ami nia avaliasaun hodi mai hato’o ba iha poder polítiku sira para hola desizaun. Portantu ró ne’e ha’u labele dehan di’ak ka la’e,”hateten Komandante F-FDTL, Brigadeiro General Filomeno Paixão de Jesus ba jornalista sira hafoin hamutuk ho Coronel Falur Rate Laek hala’o enkontru ho Prezidenti Repúblika, Francisco Guterres Lú Olo iha Palácio Prezidensiál Nicolau Lobato Bairo Pité Díli, Kuarta (7/3).

Akordu fronteira marítima entre Timor Leste ho Australia asina iha loron 6 fulan Marsu tinan ne’e  iha Nova Iorque, asiste husi Sektretariu Jeral Nasoins Unidas, António Guterres.

Estadu Timor Leste reprezenta husi Ministru Adjuntu Primeiru Ministru ba Delimitasaun Fronteira sira Hermenegildo Augusto Cabral Pereira (Agio Pereira) no Aastralia reprezenta husi Ministra Negosiu Estranjeiru Julia Bishop.

Enkuantu Primeiru Ministru Marí Alkatiri hateten, Estadu Timor Leste presiza halo mós negosiasaun ho Indonezia hodi kompleta nia akordu fronteira marítima.ías


Banner

Foto

Notisia Ikus

Lere hato’o ona karta reforma ba Governu

January 18, 2022
Xefe Estadu Maior Jenerál, FALINTIL-Forsa Defez...

CNRT Husu PR Lú Olo di’ak liu halo suspensaun ba kargu

January 18, 2022
[caption id="attachment_53193" align="aligncenter"...

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker