GMN TV Justica e Segurança FMCS rezeita halo diskriminasaun ba estudante

FMCS rezeita halo diskriminasaun ba estudante

0 views

Faculdade da Medicina no Ciências da Saúde (FMCS) la halo diskriminasaun ba estudante Alito Pinto, maibé tanba nia kondisaun mak la kondis ho kursu ne’ebé mak nia hili.

Vise Dekanu UNTL,  Joaquim Gregorio de Carvalho, hateten,  relasiona ho kazu diskriminasaun ba estudante Alito Pinto tama iha UNTL, liu husi rezimi espesial, ho númeru rejistu, 46 no indikadu  ba kursus emfermagem.

“Prosesu rejistu iha Fakuldade  Medicina Ciência Saude  FMCS, nota katak, iha estudante ne’e ho kondisaun defisiente,  maibé la konsege ko’alia  ho nia, maibé iha loron 15 to’o  17 Fevereiru, 2018  iha orientasaun Akadémika  iha kampus Lahane maka identifika katak, estudante ida  ho kondisaun dwfisiente. Iha 19 Fevereiru  2018, parte estrutura eskola enfermagem halo kontaktu ho estudante refere atu aprezent a’an  iha eskola enfermagem, hodi  esklarese  ninia situasaun ne’e, no husu estudante ne’e atu muda nia ba  kursu Farmacia, Nutrisaun ou ba kursu Ciências Biomédicas no Laboratoriais, tanba kondisaun defisiente, maibé estudante  refere lakonkorda nafatin,”Joaquim Gregorio de Carvalho ba GMN liu husi konferensia ba imprensa  iha Kampus Caicoli, Dili, Kuarta (20/03).

Nia esplika, Faculdade Medicina no Ciênsias da Saúde la halo diskriminasaun  ba estudante Alito Pinto, maibé husu nia muda ba kursu ne’ebé mak kondis ho nia kondisaun fizíku, tanba kondisaun difisiensia fizíku, estudante ne’e la opta atu tama kursu enfermajem, maibé fó oportunidade nafatin ba nia atu assesu  ba 33 iha fakuldade 8 Seluk iha UNTL.

Joaquim afirma, FMCS respeita direitu ema hotu nian atu tama foti kursu iha área Medicina no Ciências da saúde iha UNTL no FMCS mós respeita  prinsipiu inkluzividade iha sosiedade Timor Leste, maibé inkluzividade la’os ba area hotu, tanba kada área iha ninia rekezitus espefisifikus no dezafiu durante formasaun.

Iha fatin hanesan, Dekanu FMCS,  João Soares  Martins, mós hateten, desizaun ne’ebé sira halo ne’e,  bazeia ba regulamentu  Universidade no Faculdade nian.

“Faculdade ne’ebé Alito Pinto hili ne’e, iha rekezitus, no  rekezitus ne’e ema tenki saudevel fizikamente no mentalmente, no estudante ho defisiente fíziku la permite atu foti kursu iha área saúde nian, liu-liu ba área Medisina Jeral, enfermagem no parteira, tanba sira-nia servisu liga diretamente ba kuidadu kliniku no pasiente sira ne’ebé dala barak eziji asaun sertu no rápidu, sem impedimentu fíziku atu salva pasiente nia vida,”hateten João.aba


Banner

Foto

Notisia Ikus

Lere hato’o ona karta reforma ba Governu

January 18, 2022
Xefe Estadu Maior Jenerál, FALINTIL-Forsa Defez...

CNRT Husu PR Lú Olo di’ak liu halo suspensaun ba kargu

January 18, 2022
[caption id="attachment_53193" align="aligncenter"...

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker