GMN TV Justica e Segurança Lei bandu ema lori osan tama mai TL liu US$ 10.000

Lei bandu ema lori osan tama mai TL liu US$ 10.000

0 views

Xefi bankada CNRT, Arão Noe, hateten, lei brankeamentu kapital no lei finansiamentu terorismu Timor Leste (TL), bandu kualker ema ida lori osan tama mai ka sai husi Timor Leste liu husi US$ 10.000.

“Ita iha lei brankeamentu kapital, no finansamentu terorismu, iha lei sira ne’e hateten klaru kona ba se mak hatama ka hasai osan husi Timor Leste liu US$ 10.000, tenki iha deklarasaun ida para justifika kona ba osan ne’e atu halo saida, no osan ne’e mai husi ne’ebé,” katak Arão Noe ba jornalista sira iha Parlamentu Nasional (PN), Sesta (22/03).

Nia hatutan, maske lei ne’e iha, maibé ema sira ne’ebé hala’o kna’ar hodi kontrola ida ne’e, tenki servisu ho sériu.

“PSIK nia kna’ar ida mak ne’e hotu, li-liu kona ba brankeamentu kapital no finansamentu terorismu ne’e, kuandu sira detekta ema hanesan ne’e, tenki kaer hodi investiga, atu hatene osan ne’e husi ne’ebé, tanba bele mós akontese, osan ne’e brankeamentu kapital, ne’ebé lori tama mai iha Timor Leste fulan ida rua, depois lori sai fali ba nasaun seluk katak, osan ne’e nia loke negosiu iha Timor Leste mak hetan,” relata Arão Noe.

Nia esplika, sistema atu kontrola brankeamentu kapital no finansiamentu terorismu ne’e, nasaun Timor Leste iha tiha ona, implementasaun ne mak tenki aplika.

“Ha’u agradese PSIK foti ona asaun hodi kaer ema ne’ebé mak lori osan liu volume ne’ebé mak limite tiha ona, presiza kaer duni hanesan ne’e atu hetan investigasaun,” katak Arão.

Xefi bankada CNRT ne’e mós rekuñese katak, sistema judisiar iha Timor Leste ne’e se iha failansu it oan, tanba bainhira ema estranjeiru sira komete krime no hetan TIR husi Tribunal, sira bele halai lakon husi Timor Leste.

“Ita tenki haree, se ita fó TIR ba ema ida, tenki hatene uluk ema ne’e se, kuandu ema Timor oan, nia atu halai ba ne’ebé, mas se ema estranjeiru, ita tenki haree didiak para kuandu fo TIR ba nia, mas ita laiha kontrolu, ema ne’e bele halai lakon, maske ita prende hotu nia dokumentu sira ne’e,” katak nia.

Arão dehan, bainhira aplika ona TIR ba ema ida, wajib lapor ne’e labele fulan ida dala ida, maibé tenki semana dala tolu, para situasaun saida de’it bele hatene lais.

Tuir Arão Noe, orsamentu brankeamentu kapital ne’e, hamosu in-estabilidade iha Timor Leste, tanba ho osan barak hanesan ne’e, nia bele halo buat hotu.

Primeiru alterasaun lei númeru 17/2011 28 Desembru, PN aprova ona rejime jurídiku ida kona ba kombate brankeamentu kapital no finansiamentu terorismu iha Timor Leste.cos


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker