GMN TV Justica e Segurança PNTL ho F-FDTL fó seguransa máximu ba Xanana

PNTL ho F-FDTL fó seguransa máximu ba Xanana

0 views

Polisia Nasionál Timor-Leste (PNTL) ho FALINTIL Forsa Defeza Timor-Leste (F-FDTL), fó seguransa máximu ba Xefe Negosiador Prinsipal  delimitasaun fronteira Marítima,  Kay Rala Xanana Gusmão, hafoin  susesu  iha  negosiasaun  fronteira marítima  ho Australia, wainhira fila mai Timor-Leste.

Xanana Gusmão  to’o   iha   Aeroportu Internasional Nicolau Lobato Comoro, Díli, Domingu (11/03/18),  tuku 01:45 ho avian Sriwijaya.

Komunidade rihun ba rihun mak  hein  Xefe Negosiador  prinsipal   Kay Rala Xanana Gusmão, iha Aeroportu Comoro hodi akompaña tuir dalan mai  to´o  iha sede partidu Congresso Nacional de Reconstrução Timorense (CNRT) iha Bairo Grilos.

Alende ne´e  komunidade sira mós hein iha estrada ninin  hodi basa liman no haklalak  viva  Xanana Gusmão, viva Timor-Leste.

Durante Xanana nia viazen  husi Aeroportu Comoro, mai sede CNRT  iha Bairo Grilos,  hetan seguransa máximu husi  PNTL Munisípiu Díli, Unidade Polísia Espesial (UEP), F-FDTL, Unidade Polísia Militar (PM),  no akompaña husi Servisu informasaun Polísia  ka intelejensia PNTL no F-FDTL.

 Nune´e  iha dalan sira kruzamentu hahú husi Aerroportu hodi mai too iha Sede CNRT Bairo Grilos dalan sira kuaze taka hotu husi Unidade Polísia Tránzitu Díli.

Entretantu  akordu  delimitasaun  fronteira Marítima asina  entre Australia  no Timor-Leste  iha loron 6 fulan  Marsu tinan ne´e, iha Nova Yorke.

Akordu ne´e asina husi  Ministra Negosius Estranjeiru Australia, Julie  Bishop  ho Adjuntu  Primeiru Ministru  ba asuntu delimitasaun fronteira marítima, Agio Pereira,   ne´ebé mak  asiste diretamente  husi Sekretariu Jeral  ONU, António  Guterres, ne’ebé asina iha Nova Iorque, Estadu Unidu Amerika, foin lalais.avi

 

 


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker