GMN TV Justica e Segurança PNTL sei kaptura estudante abandona aula

PNTL sei kaptura estudante abandona aula

0 views

Polisia Nasional Timor-Leste  (PNTL), Munisípiu Dili, sei latolera estudante ne’ebe ba eskola, maibé abandona aula hodi ba tu’ur fali iha fatin seluk.

Adjuntu Komandante Munisípiu Dili Superintendente Assistente, Euclides Belo, informa, ba oin Polisia sei latolera ona estudante ne’ebé mak hatais farda tuur iha jardi ka la’o iha tasi ibun iha oras eskola.

“Estudante ne’ebé mak nakar haruka ba eskola, maibé latama aula halimar iha liur de’it, hodi latuir prosesu aprendizajen,  ita haree iha eskola-eskola  agora estudante barak mak latama aula laran, dala ruma estudante sira ne’e ba eskola halimar deit iha liur, no aat liu mak sira tula malu ba pasiar oras to’o mak foin fila ba uma, maibé inan aman lahatene. Tanba ne’e ba oin ami sei kaptura  estudante sira ne’ebé mak lakohi tama tuir prosesu aprendizazen iha aula,” hateten Euclides Belo ba GMN,  hafoin akompaña asaun pasifiku veteranus sira iha Muzeu Rezistensia, Kuarta (07/03)

Euclides hatutan, ba oin Polisia  sei kontrola  eskola sira iha Munisípiu Dili, atu haree situasaun ida ne’e.

“Kuandu ami hetan estudante ho farda halimar iha liur, ami sei kaptura para bolu inan aman sira mai entrega no atu halo klarifika para loron seluk estudante ne’e bele tuir aprendizajen iha eskola ho diak,” katak Euciles.

Alende ne’e, estudante Luis Soares hateten, nu’udar estudante, nia apoiu planu PNTL nian kona ba estudante sira.

“Ha’u apoiu maksimu ba planu PNTL nian ne’ebé hakarak kaptura estudante ne ‘ebé mak ba eskola, maibé lakohi tama aula hodi tuir prosesu aprendizajen, maibé halimar iha liur,no kadabes lori malu ba tasi ibun hein oras to’o fila ba uma,”katak Luis.aba    


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker