GMN TV Justica e Segurança PR Lú Olo: Atitude PNTL sai sasukat ba povu

PR Lú Olo: Atitude PNTL sai sasukat ba povu

0 views

Prezidente Repúblika (PR), Francisco Guterres ‘Lú Olo’, deklara, PNTL atu hetan konfiansa husi povu, ajenti PNTL sira tenki promove atitude no komportamentu diak iha terenu, tanba attitude hirak ne’e maka sai sasukat ba PNTL, atu hetan konfiansa husi povu.

“PNTL nia lejitimidade no autoridade mai husi ajenti PNTL ida-idak, liu husi  ida-idak nia komportamentu loro-loron. Polisia ida-idak nia liafuan no hahalok diak maka kontribui bá hasa’e ema nia respeitu no fiar ba instituisaun PNTL,” PR Lú Olo liu husi ninia diskursu iha serimonia aniversáriu PNTL ba dala XVIII (18), iha Akadémia Polisia, Comoro, Díli, Tersa (27-03-2018).

Nia akresenta, tanba Timoroan hotu-hotu hein no hakarak PNTL ida ne’ebé kaer metin Timor-Leste nuudar nasaun ida ne’ebé seguru, PNTL ida ne’ebé hatene taka dalan ba krimi, tane metin valor demokrátiku, tau matan ba ema-nia direitu no  ba instituisaun demokrátika sira.

“Aproveita oportunidade ida ne’e, ha’u husu ba membru PNTL sira hotu atu halo diferensia mo-moos entre prosesu krimi no prosesu ne’ebé maka la’ós krimi. Ita nia lei sira estabelese prosedimentu la hanesan kona-bá prosesu krimi no prosesu ne’ebé la’os krimi. Liu husi dalan ida ne’e de’it maka Ita-Boot sira bele hakbesik-an ba populasaun sira. Bainhira ita boot sira haklaken bei-beik, populasaun bele komprende liu tan, nune’e bele simu ho laran malirin ita boot sira-nia hahalok tuir lei,” hateten PR, Francisco Guterres.

Nia realsa, ho populasaun ninia apoiu maka PNTL bele garante estabilidade no seguransa nasional, maibé PNTL komesa la’o ba oin ho espíritu servisu hamutuk ho populasaun. Povu sinti ona PNTL nia prezensa hodi servi sidadaun hotu-hotu.

PR Lú Olo iha esperansa katak, Timoroan hotu hein PNTL ida ne’ebé kaer metin Timor-Leste nuudar nasaun ne’ebé seguru, hatene taka dalan ba krimi, tane valór demokrátiku, tau matan ba ema-nia direitu no  ba instuituisaun demokrátika sira.

“Hare’e ba ita nia sosiedade ne’ebé nakonu ho difikuldade oi-oin, no ba mundu ida ne’ebé nakfilak-an maka’as no babei-beik, PNTL tenki iha kapasidade atu hatan ba  ambiente seguransa foun ne’ebé mosu dadaun ne’e. Tanba ne’e PNTL tenki iha meius atu antisipa, akompaña no hare’e oinsá hatan ba situasaun krimi, oinsá hatán ba ameasa no risku ba ema nia seguransa no sira-nia rikusoin, no oinsá garante protesaun ba sosiedade tomak,” informa PR Lú Olo.

Serimonia aniversáriu PNTL ba dala-18 ne’e partisipa husi Xefi Estadu Maior F-FDTL, Komandante Jeral PNTL, Prezidente Parlamentu Nasional, Primeiru Ministru, Prezidente Tribunal Rekursu, membru Governu, Korpu Diplomátiku, Kapolda no Badan Narkotika Nasional (BNN), Nusa Tengara Timur, indonezia no konvidadu sira. ves


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker