GMN TV Justica e Segurança PSIK sei investiga lider ParPol uza MEDSOS insulta malu

PSIK sei investiga lider ParPol uza MEDSOS insulta malu

0 views

Polísia Sientífika Investigasaun Kriminal (PSIK), sei halo investigasaun profunda ba lideransa nasionál sira inklui líder Partidu Polítiku (ParPol) sira ne’ebé gosta utiliza Media Sosial (MEDSOS) hodi insulta malu, infoma Diretor Nasionál PSIK, Vicente Fernandes Brito ba jornalista iha Ministeriu Finansa, Sesta (23/03/2018).

Diretor Nasionál PSIK ne’e afirma, bainhira detekta lideransa politika ruma insulta malu iha Facebook ka media sosial sira seluk, PSIK sei foti medidas hasoru hodi investiga.

Maibe tuir, durante ne’e, PSIK seidauk konsege identifika lideransa ruma insulta malu iha MEDSOS.

 “Durante ne’e ami seidauk identifika, karik identifika ona mak ami sei halo investigasaun ba sira,”dehan Vicente.

 Líder PSIK ne’e esplika, krime Cibernética ne’e, ema ida ou rua ba leten, maibe tanba segredu justisa, PSIK labele fo sai, hodi assegura segredu justisa, atu nune’e labele perturba investigasaun fo prezuizu ba prinsipiu prezunsaun inosensia.

“PSIK sempre halo prosesu investigasaun, ne’ebé mak renunsia ba PSIK, depois remete ba Ministériu Públiku, hodi halo investigasaun no mós iha medida prevensaun, iha duni prosesu balun ami halo hela investigasaun, maibe segredu justisa, labele fo sai iha públiku,  ita tenke uza rekursu no ekipamentus oi-oin, ne’ebé mak hanesan formasaun, no ekipamentus lojístiku ne’ebé mak bele suporta ita-nia oraguan sira hanesan ANC no PSIK, atu nune’e bele kombate Cibernética, tanba dalaruma uza Facebook, media komunikasaun sosial eletronika seluk, bele komete krime, liu hosi kooperasaun sira ne’e ita bele hola medida imediata,”katak Vicente.

 Vicente Fernandes Brito relata, PSIK asina ona nota entendementu ho Autoridade Nasionál Komunikasaun (ANC-sigla Português) hodi koopera servisu iha área komunikasaun.

“Halo kooperasaun ne’e, tanba ho mudansa teknolojia ne’e lori mós impaktu pozitivu no negativu ba povu, tanba ne’e mak kooperasaun ne’e ANC hamutuk ho PSIK bele possibilita hodi kombate no mós prevene Cibernétiku, tanba dalaruma pessoa balun utilija meius oin-oin, hodi introduz ita nia sistema informatiku, no halo subtituisaun ba dadus sira, ne’e sei kauza prezuizu bo’ot ba ita nia estadu,”haktuir Diretor PSIK.

 Iha sorin seluk, Prezidente ANC, Antonio Correia, hateten, ANC iha metodu rasik atu kontrola hodi assegura implementasaun rede internet sira iha Timor-Leste.Say


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker