GMN TV Justica e Segurança Setór produtivu seidauk dezenvolve ho diak

Setór produtivu seidauk dezenvolve ho diak

0 views

Ministru Ministru Petroleum, Rekursu Minerais, Mariano Asanami Sabino, hateten, durante ne’e, Governu seidauk fó atensaun masimu ba setór produtivu sira atu dezenvolve diak liutan hodi bele hatama reseitas ba Estadu Timor Leste.

“Ita tau ona planu estratejiku para oinsa mak atu dezenvolve, maibé ita seidauk dezenvolve ho didiak. Ezenplu ha’u kaer Ministériu Agrikultura durante tinan 7, iha setór agrikultura ne’e ema barak ko’alia bei-beik, nusa mak ita nia produsaun ne’e tun sae deit, ema la sériu atu investe ba área agrikula ne’e, elementu sel-seluk ne’e ikus, maibé elementus importante mak buat tolu loron, rai no bee, no depois mak kompleta ho teknolojia hodi moderniza sasan sira ne’e, halo kompleta tan. Factór 3 ne’e importante tebes, tanba agora ita laiha problema kona ba loron no rai, maibé ita iha problema kona ba bee,” Mariano Assanami Sabino ba GMN, hafoin seminar ba estudante sira iha UNTL, Segunda (26/03).

Asanami hatutan, uluk nia sei iha Agrikultura, nia aprezenta ona kona ba fatin sira ne’ebé atu tau barazen 6 mak hanesan,  2 tau iha Lorosa’e, 2 tau iha raik klaran, no 2 tau iha Loro monu.

“Ita iha barazen mak foin ita ko’alia kona ba produsaun, tanba se ita laiha konservasaun bee, udan been mós laiha ne’e problema oituan, ita atu produs produtu sira agora ita presiza deit konserva bee para bele rezolve área Agrikultor sira nia prekupasaun, tanba maioria iha Timor Leste ne’e, agrikultura familiar, tanba barak mak mai husi setór agrikultor, tanba futuru oin mai ita mós bele kuda rasik no han rasik buat ne’ebé mak ita kuda,” katak Asanami.

Iha fatin hanesan, Dekanu Fakuldade Ekonómia no Jestaun, Fernando Baptista Anuno, hateten, Semináriu ne’e objetivu atu habelar kuñesimentu ba estunadante sira para aumenta sira nia kapasidade, tanba ko’alia kona ba kuñesimentu ne’e, la’os mai husi teoria maibé mai husi prátika.

“Ita ko’alia kona ba ekonómia input prosesu autput, entaun input ne’e mak mai husi rekursu mineral, prosesu tuir teknolojia no bele hamosu teknolojia matéria prima mai husi minarai, tanba ne’e ha’u hanoin ida ne’e prosesu dezenvolvimentu, liu-liu ita nia planu ba prosesu dezenvolvimentu hatudu ona pilar importante sira ne’ebé, mai husi Agrikultura industria mina no gas, inklui mós industria ba mineral, tanba ohin loron ita nia tasi mane sai hanesan sentru ba iha supply base,  nune’e bele responde rekursu ne’ebé mak iha,”katak Fernando.

Nia hatutan, Fakuldade Siensia Ekonómia sai hanesan mata dalan ba preparasaun rekursu humanu, entermus ekonómia, oinsa mak Timor Leste nia rekursu ne’e, bele prosesa nune’e bele hetan reseitas ba Estadu.

Nune’e mós estudante Anesia A. Fernandes hateten, semináriu ne’e fó oportunidade  diak ba estundante sira, liu-liu ba fakuldade ciensia ekonómia, tanba liu husi matéria ne’ebé mak orador sira fó ne’e,  bele aumenta  sira-nia koñesimentu.

“Ne’e sai hanesan referensia ba ami  hodi bele dezenvolve diak liu tan ami  nia kapasidade iha área ekonómia nian, oinsa atu dezenvolve ita-nia rai, tanba ne’e presiza tebes ita-nia koñesimentu no kapaside atu dezenvolve, se wainhira ita laiha kapasidade no laiha potensia atu la’o ba oin,” katak nia. aba.


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker