GMN TV Justica e Segurança FRETILIN husu líder ParPol lori fila Emilia Pires

FRETILIN husu líder ParPol lori fila Emilia Pires

0 views

Deputadu bankada Frente Revolucionario do Timor-Leste Independente (FRETILIN), Dário Madeira husu ba líder Partidu Polítiku (ParPol) sira sira tenki iha responsabilidade no iha korazen atu lori fila arguida Emilia Pires mai iha Timor-Leste, atu nune’e povu labele hela ho dúvida, tanba liu husi líder rezistensia no eis titular sira maka husu autorizasaun husi Ministériu Justisa (MJ), arguida Emilia Pires hala’i sees husi justisa.

“Kazu arguida Emilia Pires, kazu ne’ebé kle’ur liu tiha ona, povu Timor-Leste hein kleur ona, sé la sala tenki mai iha Tribunal Rekursu (TR) hodi halo rekursu ba tribunal, ita deskonfia tribunal nia desizaun laloos, ita fiar individu. Ha’u hanoin ita nia nasaun ema 1000 resin la’os luta ba ukun án de’it, maibé luta mós ba justisa”, deputadu bankada FRETILIN ne’e ba jornalista sira iha uma fukun Parlamentu Nasional (PN), Kinta (07-03-2019).

Nia hateten, líder Partidu Polítiku (ParPol), líder rezistensia no eis titular sira tenki halo reflesaun ba sira nia án, ho nune’e bele lori arguida Emilia Pires mai kumpri justisa iha Timor-Leste.

“Bainhira prosesu atu lori arguida Emilia Pires mai Timor-Leste, Governu tenki halo la-lais extradisaun ho nasaun sira seluk no polísia sientífika tenki servisu hamutuk ho International Police (INTERPOL) buka tuir arguida Emilia”, haktuir Dário Madeira.

Hatán ba kestaun ne’e, Vise Prezidenti komisaun A iha PN, Francisco de Vanconcelhos hateten, kazu arguida Emilia Pires ninian ne’e iha ona tribunal no tenki husu ba tribunal tanba saida maka Emilia Pires hala’i sai husi Timor-Leste.

“Se bainhira embaixador Timor-Leste iha Portugal maka la detekta paradeira Emilia Pires, oinsa ho komisaun A PN  iha de’it fatin ne’e, problema ita nian maka kazu ne’e iha ona tribunal, tuir loloos husu ba tribunal tanba saida maka la hasa’i desizaun hodi buka tuir arguida Emilia Pires, kazu ne’e prosesu kleur ona no kazu ne’e ba ona tribunal, depois tanba saida maka prosesu la’o no MJ rekolla ona pasaporte derependi hala’i sai tiha”, dehan Francisco de Vasconcelhos.

Entretantu Estadu Timor-Leste delega ona kompetensia ofisial ba eis embaixadora Timor-Leste iha Portugal identifika paradeira Emilia Pires, maibé la konsege, tanba arguida la rezista iha embaixada hanesan Timor-Oan.

Iha tinan 2016, eis Ministra Financas IV Governu konstituisional, Emilia Pires hetan kondenasaun primeira instánsia husi Tribunal Distrital Díli (TDD) ba krimi partisipasaun de negósiu ne’ebé arguida involve fó projetu ba nia kaben hodi sosa kama ba Hospital Nasional Guidu Valadares (HNGV).

Ba krime ne’e, tribunal kondena arguida ho pena tinan 7, maibé antes tribunal hasa’i desizaun Emilia Pires husu Autorizasaun ba tribunal ba estranjeiru atu trata asuntu Estadu, hanesan Prezidenti g7+ no aproveita trata saúde, maibé to’o agora arguida seidauk fila mai Timor-Leste hodi responsabiliza aktu krimí ne’ebé nia halo.ety

 


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker